ខាត់ សុឃីម ទៅសួរសុខទុក្ខលោកតា គង់ ណៃ ដល់មន្ទីរពេទ្យ បង្ហាញទឹកចិត្តដ៏ប្រពៃនេះទៀត (មានវីដេអូ)
កាលពីដើមខែឧសភា ឆ្នាំ ២០២២ កន្លងទៅ មហាជននៅលើបណ្តាញសង្គមមានការភ្ញាក់ផ្អើល និង បង្ហាញការព្រួយបារម្ភជាខ្លាំង ក្រោយទទួលបានដំណឹងថា វីរៈសិល្បករជើងចាស់ដ៏ល្បីល្បាញ លោកតា គង់ ណៃ ដែលជាព្រឹទ្ធាចារ្យចាប៉ីដងវៃង បានធ្លាក់ខ្លួនឈឺ និង កំពុងសម្រាកព្យាបាលនៅមន្ទីរពេទ្យ។
រយៈពេលដែលលោកតាសម្រាកព្យាបាលនៅមន្ទីរប៉ុន្មានជាងកន្លះខែកន្លងទៅនេះ តាមរយៈបងប្អូនសាច់ញាតិ និង អ្នកសិល្បៈមួយចំនួនបានទៅសួរសុខទុក្ខលោកតាផ្ទាល់នៅមន្ទីរពេទ្យនោះ បានបង្ហាញពីស្ថានភាពជំងឺរបស់លោកតាឱ្យដឹងថា លោកតាមានសភាពធូរស្រាលវិញហើយ។
ជាក់ស្ដែងថ្មីៗនេះ គេក៏បានឃើញ អ្នកនាង ខាត់ សុឃីម ក៏បានទៅសួរសុខទុក្ខលោកតា គង់ ណៃ ផ្ទាល់នៅមន្ទីរពេទ្យផងដែរ ដោយបានបង្ហាញនូវទឹកចិត្ត ក្នុងនាមជាសិល្បករជំនាន់ក្រោយដែលគោរពស្រឡាញ់ បារម្ភសុខទុក្ខរបស់លោកតា ព្រមទាំងអ្នកនាងបានបង្ហាញសកម្មភាពយ៉ាងប្រពៃច្រៀងបណ្ដើរ និយាយលើកទឹកចិត្តលោកតាបណ្ដើរ ឱ្យលោកតាបានធូរស្រាលឆាប់ជាសះស្បើយពីជំងឺ និង បន្តធ្វើជាព្រឹទ្ធាចារ្យចាប៉ីដងវៃងមួយរូបបង្ហាញដល់កូនចៅជំនាន់ក្រោយផងដែរ៕
