ស្អាតប្លែកណាស់ លោកអើយ ! ផ្ទុះការចាប់អារម្មណ៍យ៉ាងខ្លាំង ក្រោយឃើញ ព្រះនាងតូច គ្រងសំលៀកបំពាក់មួយឈុតនេះ រួចទ្រង់សម្តែងពីព្រះទ័យថា ឈុតនេះ ធ្វើពី…
មហាជនទូទៅ ក៏ដូចជា ពុកម៉ែ បងប្អូន ប្រជាពលរដ្ឋខ្មែរ ទំាងក្នុង និងក្រៅប្រទេស ភាគច្រើន ពិតជាស្គាល់ ព្រះនាងតូច នរោត្តម ជេនណា ជាក់ជាមិនខាន ដែលជាសែរាជវង្ស កម្ពុជាវ័យក្មេង។
ព្រះនាងតូច មិនត្រឹមតែមានព្រះភ័ក្រ ស្រស់ស្អាត ប៉ុណ្ណោះទេ ថែមទំាង មានទេពកោសល្យសិល្បៈ គួរឱ្យកោតសរសើរថែម ទៀតផង ហើយ ទ្រង់ជាបុត្រីទី២ របស់អ្នកអង្គម្ចាស់ នរោត្តម បុប្ផា ហើយជាចៅលួត របស់ព្រះករុណា ព្រះបាទសម្តេចព្រះ នោរោត្តម សីហនុ ព្រះបរមរតនកោដ្ឋ។
កន្លងទៅ គ្រប់គ្នា ក៏ចាប់អារម្មណ៍ខ្លាំងផងដែរ ចំពោះព្រះនាងតូច ដែលបានគ្រងសំលៀកបំពាក់ ស្អាតៗ និងទាក់ភ្នែកខ្លាំងបំផុត មកបង្ហាញជូន គ្រប់គ្នាឲ្យបានឃើញ។ ជាក់ស្តែង នៅមុននេះបន្តិច នាថ្ងៃទី ២៧ ខែឧសភា ឆ្នាំ ២០២២ ព្រះនាងតូច បានបញ្ចេញមួយឈុតទៀតហើយ មើលទៅប្លែកស្អាតខ្លាំងណាស់ ព្រមទំាងបានសម្ដែងពីព្រះទ័យថា
“ថ្ងៃនេះ ខ្ញុំ សូមបង្ហាញ នូវឈុតសម្លៀកបំពាក់មួយ ដែលមានឈ្មោះថា ឈុតក្រមាបេះដូងខ្មែរ។ ឈុតនេះ ធ្វើអំពីក្រមាខ្មែរសុទ្ធ ហើយរំលេចទៅដោយ ទង់ជាតិខ្មែរ និងផែនទី នៃព្រះរាជាណាចក្រកម្ពុជា ច្នៃម៉ូតយ៉ាងប្រណីតដោយ ស្រីស្រស់អ្នកច្នៃម៉ូត បុរាណ។
អរគុណសម្រាប់ការ ខិតខំបង្កើតស្នាដៃ សម្រាប់រូបខ្ញុំ និងសូមអរគុណ Vid Vid Make Up សម្រាប់ការផាត់មុខ អរគុណ Net Sovanphanha សម្រាប់ការធ្វើសក់បានយ៉ាងស្អាត ព្រមទាំងអរគុណចំពោះ RA Yuth សម្រាប់ការថត។ សង្ឃឹមថា ពុកម៉ែបងប្អូន ស្រឡាញ់ឈុតថ្មីមួយនេះ។”។
ឃើញបែបនេះ ម្នាក់ៗ បង្ហាញពីអារម្មណ៍រៀងៗខ្លួនថា ៖ គោរព ស្រឡាញ់ ព្រះនាងតូច ខ្លាំងៗៗៗៗ…………..ស្រស់សោភាខ្លាំងណាស់ ក្រាបទូល គួរឲ្យស្រឡាញ់ខ្លាំងណាស់ ព្រះនាងម្ចាស់, ស្អាតណាស់ ព្រះនាងតូចរបស់ខ្ញុំ ស្លៀកអីក៏ស្អាតដែរ សមជានារីខ្មែរខ្លាំងណាស់ ណាចាស, ពិតជា ស្អាតណាស់, ព្រះនាងតូច នៅក្រៅ ស្រស់ស្អាតខ្លាំងណាស់។
តោះកុំឲ្យខាតពេល សូមមើលរូប ដែលព្រះនាងតូច គ្រងឈុត ច្នៃដោយក្រមាខ្មែរ ខាងក្រោមនេះ ទំាងអស់គ្នា ៖
