ផ្ទុះការចាប់អារម្មណ៍ ចន ច័ន្ទលក្ខិណា និង កូនស្រី តែងខ្លួនឈរទន្ទឹមគ្នា មើលច្រឡំស្មានតែបងប្អូន (មានវីដេអូ)
មហាជនដែលតាមដានជីវិតឯកជនរបស់តារាសម្ដែងអ្នកនាង ចន ច័ន្ទលក្ខិណា បានដឹងហើយថា អ្នកនាង និង អតីតស្វាមី លោក យុត្ថារ៉ា ឆានី មុនដើរដល់ផ្លូវបញ្ចប់ អ្នកទាំងពីរទទួលបានចំណងដៃកូនស្រីដ៏ស្រស់ស្អាត និង គួរឱ្យស្រឡាញ់ម្នាក់ឈ្មោះថា ជូលី។
មកដល់ពេលនេះ កូនស្រីរបស់តារាស្រីរូបនេះ កាន់តែធំពេញរូបពេញរាងស្ដូក មានរូបសម្រស់ និង ទម្រង់មុខស្រស់សោភា មិនចាញ់អ្នកនាងជាម្តាយនោះទេ។ ម្យ៉ាងវិញទៀត មហាជនអ្នកគាំទ្រតែងសរសើរពីសម្រស់កូនស្រីរបស់អ្នកនាងមិនដាច់ពីមាត់ ដោយក្នុងនោះគេបានលើកឡើងថា កូនស្រីពេលកាន់តែធំពេញវ័យ រឹតតែមានទម្រង់មុខដូចម្តាយបេះបិទគ្មានខុសបន្តិច។
ដោយឡែកថ្មីៗនេះ អ្នកនាង ចន ច័ន្ទលក្ខិណា និង កូនស្រីបណ្ដូលចិត្ត បានធ្វើឱ្យមហាជនកាន់តែចាប់អារម្មណ៍ សរសើរខ្លាំងទៀតហើយ បន្ទាប់ពីបានឃើញអ្នកនាង និង កូនស្រី តុបតែងខ្លួនដណ្ដើរគ្នាចូលរួមកម្មពិធីមួយ ដែលឈរទន្ទឹមគ្នាសម្រស់ស្អាតមិនចាញ់គ្នានោះទេ ដែលឃើញថាសម្រស់អ្នកនាងក៏នៅតែក្មេងខ្ញង់ រីឯកូនស្រីក៏កាន់តែធំពេញក្រមុំស្រស់ដូចផ្កា ថែមទាំងមុខមាត់ស្រដៀងគ្នាខ្លាំង មើលទៅសឹងតែច្រឡំគ្នាប្រៀបដូចជាបងប្អូនភ្លោះគ្នាអ៊ីចឹង។
ទន្ទឹមនឹងនោះ វីដេអូរបស់អ្នកនាង ចន ច័ន្ទលក្ខិណា និង កូនស្រី កំពុងត្រូវបានមហាជនអ្នកគាំទ្រ ក៏ដូចជាអ្នកសិល្បៈជាច្រើនចាប់អារម្មណ៍ខ្លាំង និង លាន់មាត់សរសើរគ្រប់គ្នាជាមួយនឹងរូបសម្រស់របស់អ្នកទាំងពីរ៕
