ឈិន មុន្នីនាថ ឃើញរូបថតខ្លួនឯងកាលពីក្មេង ភ្ញាក់ព្រើតរហូតនិយាយពាក្យនេះ
អាចនិយាយបានថា បច្ចុប្បន្ន ឈិន មុន្នីនាថ គឺជាតារាសម្ដែងវ័យក្មេងកំពុងឡើងកូដខ្លាំង ដោយប៉ុន្មានឆ្នាំចុងក្រោយនេះនាងក្ដោបបានតំណែងតួឯកបន្តបន្ទាប់ ហើយភាពជោគជ័យមួយនេះ ព្រោះថា មុន្នីនាថ មានឈាមជ័រជាអ្នកសិល្បៈមកអាចសម្ដែងបានយ៉ាងប៉ិនប្រសប់ មិនត្រឹមតែប៉ុណ្ណោះនាងក៏មានរូបរាងស្រស់ស្អាត កម្ពស់កម្ពរតូចស្រឡឹង សម្បុរស្បែកភ្លឺថ្លាគួរឱ្យលង់ស្នេហ៍។
ពិតណាស់បើនិយាយពីទម្រង់មុខមាត់ ឈិន មុន្នីនាថ គឺនាងស្រស់ស្អាត មានស្នាមញញឹមស្រស់តាំងពីក្មេង ប៉ុន្ដែបើបានឃើញរូបថតកាលពីក្មេងរបស់នាងវិញ ក៏ធ្វើឱ្យអ្នកគាំទ្រលួចអស់សំណើចបន្តិចដែរ ព្រោះតែការតុបតែងខ្លួន ការស្លៀកពាក់ ឬម៉ូដសក់ជាដើម សូម្បីតែ មុន្នីនាថ ដែលជាសាមីខ្លួនផ្ទាល់ ក៏លាន់មាត់ពេលឃើញរូបថតរបស់ខ្លួនកាលពីនៅវ័យជំទង់ដែរ។
ថ្មីៗនេះ លោក ឈិន កុសល់ ដែលគេស្គាល់ជាឪពុកបង្កើតរបស់តារាសម្ដែង ឈិន មុន្នីនាថ បានបង្ហោះរូបថតចាស់ៗកាលពីក្មេងរបស់កូនស្រី មុន្នីនាថ ប៉ុន្មានប៉ុស្ដិ៍នៅលើហ្វេសប៊ុក ព្រមទាំងរៀបរាប់បែបអស់សំណើចថា ៖ «ឃើញរូបហើយ ចង់តែសើចទេកូនអើយ មានបងប្អូនណាស្គាល់គាត់អត់ទេមើលទៅ? ហិហិហិ»។ ងាកមក មុន្នីនាថ វិញក៏មានអារម្មណ៍ភ្ញាក់ផ្អើល ហើយលាន់មាត់ថា ៖ «ស៊ែរខ្លួនឯង កុំឱ្យគេថាយើងមិនទទួលស្គាល់ការពិត»៕
