អភិជនមែន! គ្រាន់តែស្បែកជើងប្ដី១ពាន់ដុល្លារ គ្រឿងអលង្ការប្រពន្ធ៣ ៤ម៉ឺន ពេលនេះ បន្ទប់ត្រៀមសម្រាល វ៉ាន់ នីឡា ចំណាយរហូតដល់…(មានវីដេអូ)
លោកអ្នក បានជ្រាបរួចមកហើយថា កាលពីថ្ងៃទី១៩ ខែមីនា ឆ្នាំ២០២២កន្លងទៅនេះ តារាកំប្លែង វ៉ាន់ នីឡា បានចូលរោងការបញ្ចប់ភាពនៅលីវ ជាមួយកូនកំលោះ ស៊ុត សក្ការៈ ហើយ ក្រោយពីខកខានជាច្រើនលើកច្រើនសា នោះ។
អ្វី ដែលកាន់តែពិសេស និងចាប់អារម្មណ៍ទៀតនោះ ក្រោយមហាជន បានឃើញទិដ្ឋភាពមង្គលការខាងលើរួចមក ម្នាក់ៗ បានចាប់អារម្មណ៍ទៅលើស្បែកជើងរបស់កូនកំលោះ មើលទៅពិតជាអស្ចារ្យ និងទាក់ភ្នែកខ្លាំងណាស់។ ស្បែកជើងរបស់ស្វាមីតារាស្រីវ៉ាន់ នីឡា ត្រូវគេដឹងច្បាស់ជាយីហោរបស់ Versace មានឈ្មោះថា Barocco Print Silk Slippers ដែលមានតម្លៃ១ពាន់ដុល្លារ។
សម្រាប់តារាកំប្លែង វ៉ាន់ នីឡា នៅក្នុងពិធីមង្គលការនោះ គ្រាន់តែចំណាយទៅលើគ្រឿងអលង្ការ អស់រហូតដល់ទៅ៣ ៤ម៉ឺន ឯណោះ។ ក្រោយរៀបការវ៉ាន់ នីឡា ក៏មានទម្ងន់ ហើយរូបនាង និងស្វាមី រកកន្លែងសម្រាលរួចជាស្រេច ជាមួយនឹងតម្លៃសម្រាប់សេវាកើតកូននោះ ក៏មិនធម្មតានោះដែរ។
ជាក់ស្ដែង ស្វាមីរបស់តារាកំប្លែងវ៉ាន់ នីឡា នៅថ្ងៃទី២៥ ខែឧសភា ឆ្នាំ២០២២នេះ បានបង្ហោះទិដ្ឋភាពបន្ទប់ត្រៀមសម្រាលកូនរបស់ខ្លួននៅ មន្ទីរពហុព្យាបាល ចិត្រា និង សម្ភព ហ្ស៊ូលី (Chetra Polyclinic & Julie Maternity) ដោយដាក់Captionថា «ជួបគ្នាឆាប់ៗកូនស្រី»។
ក្រោយបង្ហោះរួច មានអ្នកសួរនាំពីតម្លៃសម្រាកព្យាបាលនោះទីនោះ ដោយលើកឡើងថា «មានអ្នកណាដឹងថា ម៉ាសម្រាលហើយប៉ុន្មាន បើគេងបន្ទប់ចឹង?»។ ជាការឆ្លើយតប ប្ដីវ៉ាន់ នីឡា ប្រើប្រាស់គណនីទីកតុកឈ្មោះBatt Ko បានបញ្ជាក់ថា ៣៧០០ដុល្លារ។ ចំពោះអ្នកគាំទ្រមួយចំនួនទៀត ចង់ដឹងពីថ្ងៃគ្រប់ខែ ហើយជាការឆ្លើយតប ប្ដីវ៉ាន់ នីឡា បញ្ជាក់ថា ខែ៩៕ សូមទស្សនាវីដេអូខាងក្រោម ៖
