កីឡាករ កែវ សុខផេង ទិញរថយន្តថ្នាក់អភិជនJeepមានតម្លៃរហូតដល់ទៅ…
គេនៅចាំបានថា កីឡាករជម្រើសជាតិកម្ពុជា កែវ សុខផេង បានចូលរោងការ ជាមួយ អ្នកនាង មនោរថ កាលពីថ្ងៃទី០១ ខែវិច្ឆិកា ឆ្នាំ២០២០ ក្រោយពីបំពាក់ចិញ្ចៀនភ្ជាប់ពាក្យជាមួយគ្នានៅដើមឆ្នាំដដែលនោះ។
ក្រោយរៀបការ កីឡាករជម្រើសជាតិកម្ពុជា ដែលមានរូបរាងស្រស់សង្ហារូបនេះ ទទួលបានកូនស្រីដ៏គួរឲ្យស្រឡាញ់ម្នាក់ ជាហេតុធ្វើឲ្យគ្រួសាររបស់លោកកាន់តែមានសុភមង្គលទ្វេដង ហើយជីវភាពគ្រួសារក៏រឹតតែប្រសើរថែមទៀត។
ជាក់ស្ដែងកាលពីរសៀលថ្ងៃទី២៤ ខែឧសភា ឆ្នាំ២០២២ ខ្សែប្រយុទ្ធដ៏ឆ្នើមរូបនេះ បានបង្ហោះរូបថតជាច្រើនសន្លឹកឈរនៅពីមុខរថយន្តថ្នាក់អភិជនJeepពណ៌ខ្មៅ ថ្មីសន្លាង១គ្រឿង ជាមួយកូនស្រី និងភរិយា ហើយដាក់Captionថា «អរគុណសម្រាប់ការទទួលស្វាគមន៍យ៉ាងរាក់ទាក់Jeep Cambodia»។ រថយន្តនេះ ត្រូវបានគេដឹងថា មានតម្លៃជាង ១០ម៉ឺនដុល្លារឯណោះ។
តាមរយៈការទិញរថយន្តថ្មីនេះ អ្នកគាំទ្រ បានសម្ដែងការអបអរសាទរព្រោងព្រាតក្នុងនោះ អ្នកខ្លះលើកឡើងថា «ចង់អោយកីឡាករបាល់រៀមច្បង ប្រើប្រាស់ឡានថ្លៃៗរបស់ល្អៗ ដើម្បីជំរុញចិត្តយុវជនជំនាន់ក្រោយអោយមើលឃើញរៀមច្បងដែលជោគជ័យក្នុងវិស័យបាល់ទាត់ដើម្បីមានទឹកចិត្តក្នុងការលេងកីឡាមួយនេះ, ស្រលាញ់បងណាស់ចង់ឃើញបងប្រកួតបាល់អន្តរជាតិទៀតណាស់»។
គួរបញ្ជាក់ថា ក្រៅពីអាជីពជាកីឡាករបាល់ទាត់ កែវ សុខផេង ក៏មានមុខជំនួញផ្ទាល់ខ្លួនកំពុងដំណើរការយ៉ាងរលូន។ បន្ថែមលើនេះ កន្លងមក គេឃើញ លោកទទួលបានការងារថតស្ប៉តពាណិជ្ជកម្មឲ្យក្រុមហ៊ុន ឬផលិតផលផ្សេងៗហូរហែផងដែរ៕
