អ្នកណាមិនស្លុ-តចិត្ត?? ទើបបាត់បង់បងប្រុសបង្កើត ពេលនេះ សុខ រ៉ាស៊ី ត្រូវឃ្លាតមនុស្សជាទីស្រឡាញ់ម្នាក់ទៀត
មហាជនបានជ្រាបហើយកាលពីចុងខែកុម្ភៈ ឆ្នាំ ២០២២ កន្លងទៅ តារាពហុជំនាញ លោក អៀង ចេនឡា ដែលត្រូវជាបងប្រុសបង្កើតរបស់ ពិធីករ សុខ រ៉ាស៊ី បានទទួលមរណភាព ដែលពិតជាបានធ្វើឱ្យមហាជន និង មិត្តសិល្បករជាច្រើនមានការភ្ញាក់ផ្អើលខ្លាំងបំផុត ខណៈតារាប្រុសរូបនេះធ្លាក់ខ្លួនឈឺធ្ងន់មិនបានប៉ុន្មាន ស្រាប់តែលោកត្រូវលាក្រុមគ្រួសារ អ្នកគាំទ្រ និង មិត្តក្នុង-ក្រៅ សិល្បៈ គ្មានថ្ងៃត្រឡប់ដូច្នេះ។
ដោយឡែក លោក សុខ រ៉ាស៊ី បានជួបទុក្ខដ៏សែនក្រៀមក្រំនេះមិនទាន់ធូរស្រាលប៉ុន្មានផង ស្រាប់តែមកដល់ថ្ងៃទី ១៩ ខែមីនា ឆ្នាំ ២០២២ នេះ ក៏ទទួលបានដំណឹងដ៏ក្រៀមក្រំមួយទៀតកើតឡើងចំពោះលោក គឺលោកបានបាត់បង់មនុស្សជាទីស្រឡាញ់ម្នាក់ទៀត ដែលត្រូវជាបងប្រុសជីដូនមួយរបស់លោកបានទទួលមរណភាពទាំងវ័យក្មេង។
នេះបើតាមបណ្ដាញសង្គមរបស់ លោក សុខ រ៉ាស៊ី បានបង្ហោះសារ និងប្ដូរប្រូហ្វាល់ដាក់រូបបងប្រុស ដើម្បីកាន់ទុក្ខ ព្រមទាំងបង្ហាញនូវអារម្មណ៍ទុក្ខសោកអាឡោះអាល័យជាពន់ពេកចំពោះបងប្រុសថា ៖ «ប្អូនទទួលយកមិនបានទេ បងប្រុសដ៏ល្អរបស់ប្អូន»។
ក្រោយទទួលដំណឹងមរណភាពនេះដែរ មហាជនអ្នកគាំទ្រ ក៏ដូចជាអ្នកសិល្បៈជាច្រើនបានសម្ដែងនូវការសោកស្ដាយ និងចូលរួមរំលែកទុក្ខដល់ពិធីកររូបនេះគ្រប់គ្នាផងដែរ៕
