សូមអបអរសាទរ ! ទីបំផុត នីឡា កូនស្រី លោកតាវ៉ិចទ័រ ចូលរោងការនៅព្រឹកនេះហើយ ពិតជាស្រស់ស្អាតណាស់, ថតរូបរួច ស្រាប់តែ នាយ ពាក់មី ឆ្លៀតពោលពាក្យនេះចេញមកថា “នីឡា ការហើយ តិចទៀត…”
ពុកម៉ែ បងប្អូន និងប្រិយមិត្ត ភាគច្រើន ពិតជាស្គាល់ច្បាស់ ជាក់ជាមិនខាន តារាកំប្លែងស្រី វ័យក្មេង គឺ កញ្ញា វ៉ាន់ នីឡា នោះ ហើយក៏ជាកូនស្រីបង្កើត របស់ សុវណ្ណ ឬទ្ធី ហៅលោកតាវ៉ិចទ័រ ផងដែរ។ តារារូបនេះ មិនត្រឹមតែក្មេង ស្អាតប៉ុណ្ណោះទេ ថែមទំាងមានទេពកោសល្យ ក្នុងការសម្តែងថែមទៀតផង ព្រមទំាង នៅតែទទួលបាន ប្រជាប្រិយភាពខ្លាំងដដែល មកទល់ពេលនេះ។
លុះមកដល់ ថ្ងៃទី ១៣ ខែកុម្ភៈ ឆ្នាំ ២០២២ នេះ ហ្វេនៗ ឡើងភ្ញាក់ ក្រោយឃើញ នីឡា បានប្រកាសថ្ងៃមង្គលការ របស់ខ្លួន ជាមួយគូដណ្តឹង ជាផ្លូវការហើយ គឺធ្វើឡើង នាថ្ងៃទី ១៩ ខែមីនា ឆ្នាំ ២០២២ ដែលនឹងចូលមកដល់ក្នុងពេលឆាប់ៗខាងមុខនេះ ពិសេស កម្មវិធី ពេលល្ងាច នឹងរៀបចំធ្វើឡើង នៅឯ សណ្ឋាគារ សុខា ទីក្រុងភ្នំពេញ ថែមទៀតផង។
ដូចបានសន្យា ទីបំផុត នីឡា ចូលរោងការនៅព្រឹក ថ្ងៃទី ១៩ ខែមីនា ឆ្នាំ ២០២២ នេះ ហើយ ពិតជាស្រស់ស្អាតខ្លាំងណាស់ ក្នុងឈុតកូនក្រមុំ ព្រមទំាងមានការចូលរួមពីសំណាក់ភ្ញៀវកិត្តិយសទំាងសងខាង យ៉ាងច្រើន ក្នុងទឹកមុខស្រស់ស្រាយ គ្រប់ៗគ្នា ជាពិសេស ឆ្លៀតក្នុងឱកាសនោះ ក៏មានវត្តមានដ៏ខ្ពង់ខ្ពស់ ចូលរួមពីសំណាក់ លោកជំទាវ ហ៊ុន ស៊ីណាត ផងដែរ។
នៅមិនទាន់អស់ទេ នាយ ពាក់ មី ក៏បាននំា ភរិយា មកចូលរួម ក្នុងថ្ងៃមង្គលការ នីឡា ផងដែរ។ ថតរូបរួច ស្រាប់តែ នាយ ពាក់មី ពោលពាក្យបែបនេះ ចេញមកថា “នីឡា ការហើយ តិចទៀត លោកតាវ៉ិចទ័រ មានចៅពរហើយ ចំណែកខ្ញុំ ពេលខ្ញុំមានកូនការដែរ ខ្ញុំឈប់ខូចហើយ”។
តោះដើម្បីកុំឲ្យចាំយូរ សូមមើលរូបភាព និងវីដេអូ ក្នុងថ្ងៃមង្គលការ នីឡា ទំាងអស់គ្នា ៖
