ខណៈនៅខ្វះតែ ២ ថ្ងៃទៀត តារាកំប្លែង វ៉ាន់ នីឡា នឹងរៀបការមានគ្រួសារជារបស់ខ្លួនឯង ស្រាប់តែលោកតា វ៉ិចទ័រ បានបង្ហោះសារបញ្ជាក់ប្រាប់សាធារណជនជាថ្មី ពីដំណឹងមង្គលរបស់កូនស្រីថា
ពេលវេលាក្លាយជាកូនក្រមុំពេញលេញរបស់តារាកំប្លែង វ៉ាន់ នីឡា កាន់តែកៀកជិតមកដល់ហើយ ពោលគឺខ្វះតែ ២ ថ្ងៃទៀតប៉ុណ្ណោះ តារាកំប្លែងស្រីវ័យក្មេងរូបនេះ និង គូដណ្ដឹងរូបសង្ហា នឹងកាន់ដៃគ្នាចូលរោងការតាមប្រពៃណីហើយ ដោយពិធីមង្គលការរបស់ពួកគេទាំងពីរនឹងប្រារព្ធឡើងនៅថ្ងៃទី ១៩ ខែមីនា ឆ្នាំ ២០២២ នេះ។
ទម្រាំជ្រើសរើសបានពេលាល្អប្រកាសថ្ងៃរៀបការជាក់លាក់លើកនេះ វ៉ាន់ នីឡា និង គូដណ្ដឹងបានពន្យារពេលអស់ជាង ៣ ឆ្នាំឯណោះ ដែលធ្វើឱ្យអនាគតគូស្វាមីភរិយាថ្មីវ័យក្មេងទាំងពីររូបនេះ អន្ទះសារង់ចាំថ្ងៃពិសេសនេះមកដល់មិនស្ទើរទេ។
ជាការពិត ថាកូនកំលោះកូនក្រមុំទៅរំភើបចិត្ត ដោយឡែកបើងាកទៅមើលលោកតា វ៉ិចទ័រ ដែលជាឪពុករបស់កូនក្រមុំឯណោះវិញ ក៏ត្រេកអរក្នុងចិត្តមិនតិចដែរ ព្រោះបានឃើញកូនស្រីតែម្នាក់របស់លោកជិតបានដល់កោះដល់ត្រើយ មានគូជីវិតសម្រាប់មើលថែរក្សាគ្នា។
ខណៈនៅខ្វះតែ ២ ថ្ងៃទៀត តារាកំប្លែង វ៉ាន់ នីឡា នឹងរៀបការមានគ្រួសារជារបស់ខ្លួនឯង ស្រាប់តែលោកតា វ៉ិចទ័រ បានបង្ហោះសារបញ្ជាក់ប្រាប់សាធារណជនជាថ្មី
ពីដំណឹងមង្គលរបស់កូនស្រីថា ៖ «បងប្អូនជាទីរាប់អាន ថ្ងៃទី 19/03/2022 ជាអាពាហ៍ពិពាហ៍ពិតរបស់ នីឡា កូនស្រីខ្ញុំបាទ»។ ក្នុងនោះគេក៏ឃើញមានអ្នកលេងបណ្ដាញសង្គមជាច្រើនបានខំមិនជូនពរដល់ នីឡា យ៉ាងច្រើនព្រោងព្រាត៕
