រំភើបជំនួស ពេលឃើញមានការសាទរ និងដង្ហែម្ចាស់ពាន ជុំវិញខេត្តស្រុកកំណើត យ៉ាងដូច្នេះ (មានវីដេអូ)
លោក សួ វិចិត្រ ម្ចាស់ពានកម្មវិធីប្រឡងចម្រៀងកម្រិតពិភពលោក BEAT THE BEST រដូវកាលទី១ ក្រោយពីតស៊ូជម្នះយ៉ាងស្វិតស្វាញមកនេះ ទីបំផុតបានសម្រេចដូចបំណងហើយ ដែលជាក្ដីស្រមៃដ៏ធំរបស់យុវជនមកពីខេត្តពោធិ៍សាត់រូបនេះ ដោយសារតែសមត្ថភាពរបស់លោកផង និងការពេញចិត្តពីបងប្អូនទស្សនិកជនផ្ញើសារបោះឆ្នោតជូនផង។
ក្រោយពីការប្រឡងជាប់រួច លោក សួ វិចិត្រ មានអ្នកពេញចិត្តរហូតដល់ជូនវត្ថុអនុស្សាវរីយ៍ជារថយន្តព្រូសមួយគ្រឿងទៀតផង ដែលនេះជាកាដូមិនអាចកាត់ថ្លៃបានឡើយ ពីអ្នកគាំទ្ររូបលោក។
អ្វីដែលធ្វើឲ្យមានការចាប់អារម្មណ៍ទៀតនោះ គឺល្ងាចថ្ងៃទី ០៨ ខែមីនា ដែលជាទិវានារីអន្តរជាតិផងនោះ លោក សួ វិចិត្រ ទទួលបានការសាទរ ពីសំណាក់ថ្នាក់ដឹកនាំខេត្តពោធិ៍សាត់ ដែលជាស្រុកកំណើតខ្លួនទៀតផង ដោយមានការដង្ហែជុំវិញក្រុង មានអ្នកគាំទ្រយ៉ាងច្រើនកុះករ។
បើតាមលោកសួ វិចិត្រ បានឲ្យដឹងថា៖ « កម្មវិធីទទួលពានដែលមានការចូលរួមពីគណៈអភិបាលក្រុង និងខេត្តពោធិ៍សាត់ធ្វើនៅម៉ោង៤ល្ងាចនេះហើយ សូមបងប្អូនចូលរួមអបអរទាំងអស់គ្នាណាទាំង25ខេត្តក្រុងក៏អាចចូលរួមបានដែរ ទីតាំងសួន14មករា ខេត្តពោធិ៍សាត់» សូមទស្សនាវីដេអូខាងក្រោមនេះ៖
