ចូលផ្ទះយប់ជ្រៅ ប្រពន្ធខឹ.ងមិន.ស្ដីរក ប្ដីទា.ញម៉ូតូជិះ.ចេញទៅក្រៅ ស្រាប់តែជួបរឿងអកុសលត្រូវបែកប្រពន្ធរហូត
បើតាមសេចក្តីរាយការណ៍បានឱ្យដឹងថា បុរសម្នាក់បានត្រឡប់មកពីចូលរួមកម្មវិធីចូលផ្ទះយប់ជ្រៅ ហើយខឹងប្រពន្ធមិននិយាយស្តីរក ក៏ទាញយកម៉ូតូជិះចេញទៅក្រៅ តែជាអកុសលបែរជាជួបគ្រោះថ្នាក់ចរាចរណ៍ដួលម៉ូតូតែម្នាក់ឯង-ស្លា.-ប់-ចោលប្រពន្ធនិងកូនយ៉ាងអាណោចអាធ័ម បង្កឱ្យមានការភ្ញាក់ផ្អើលកាលពីវេលាម៉ោង១រំលងអធ្រាត្រឈានចូលថ្ងៃទី៨ ខែមីនា ឆ្នាំ២០២២ ត្រង់ចំណុចខាងលិចសាកលវិទ្យាល័យអន្តរជាតិ តាមបណ្ដោយឱកាសខ្ញុំ ស្ថិតក្នុងសង្កាត់ក្រាំងធ្នង់ ខណ្ឌសែនសុខ។
សេចក្តីរាយការណ៍បន្តថា ស.-ពជនរងគ្រោះខាងលើមានឈ្មោះ ធី សុធា ភេទប្រុស អាយុ៣០ឆ្នាំ ស្នាក់នៅបន្ទប់ជួលម្តុំទួលពង្រ ស្ថិតក្នុងសង្កាត់ចោមទី១ ខណ្ឌពោធិ៍សែនជ័យ មានស្រុកកំណើតនៅខេត្តកំពង់ចាម។
តាមប្រភពព័ត៌មានពីកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញបុរសរងគ្រោះជិះម៉ូតូមួយគ្រឿងម៉ាកហុងដាឌ្រីម ស៊េរីឆ្នាំ២០១៦ ពណ៌ខ្មៅ ពាក់ស្លាកលេខ កំពង់ចាម1N-8514 ធ្វើដំណើរតាមបណ្ដោយផ្លូវឱកាសខ្ញុំ ទិសដៅពីកើតទៅលិច និងក្នុងល្បឿនយ៉ាងលឿន។
ប្រភពដដែលបន្តថា លុះពេលមកដល់ចំណុចកើតហេតុ ម៉ូតូជនរងគ្រោះក៏បានជិះឡើងស្ពានដែលមានសភាពទួលចោទខ្លាំង រួចក៏ធ្វើឲ្យម៉ូតូជនរងគ្រោះហោះផ្លោងដួលអូសប្រមាណ៥០ម៉ែត្ររងការខូចខាតបែកចង្កៀងខាងមុខ
ចំណែកឯជនរងគ្រោះវិញ បានហោះផ្លោងបោកទៅនឹងខឿនតាមចិញ្ចើមផ្លូវ បណ្តាលឱ្យ-បែ-ក-ក្បា-លស្លា.-ប់-ភ្លាមៗយ៉ាងអាណោចអាធ័ម។ បន្ទាប់មកក៏មានសមត្ថកិច្ចមូលដ្ឋាន និងសមត្ថកិច្ចជំនាញបានចុះមកធ្វើការអន្តរាគមន៍ ថែមទាំងបានធ្វើការទំនាក់ទំនងស្វែងរកសាច់ញាតិរបស់ជនរងគ្រោះផងដែរ។
ប្រភពដដែលបន្តថា លុះមួយស្ទុះក្រោយមក ក៏មានស្ត្រីម្នាក់ជាប្រពន្ធរបស់ជនរងគ្រោះបានមកដល់កន្លែងកើតហេតុ និងបានស្រែកទ្រហោយំសុំទោសបុរសរងគ្រោះជាប្តីយ៉ាងគួរឲ្យស្រោកសង្រេង។
ហើយបើតាមស្ត្រីជាប្រពន្ធក៏បានរៀបរាប់ប្រាប់ទាំងទឹកភ្នែកថា នៅមុនពេលកើតហេតុ ជនរងគ្រោះជាប្តីបានទៅចូលរួមកម្មវិធីនៅផ្ទះមិត្តភក្ដិរបស់គាត់ រហូតដល់វេលាយប់ជ្រៅទើបត្រឡប់មកដល់ផ្ទះវិញ។
ខណៈពេលដែលជនរងគ្រោះបានត្រឡប់មកដល់ផ្ទះវិញ នាងក៏បានបើកទ្វារអោយជនរងគ្រោះ ដោយមិននិយាយស្តីរកជនរងគ្រោះអ្វីនោះទេ ព្រោះខឹងនឹងជនរងគ្រោះដែលចូលផ្ទះយប់ជ្រៅខ្លាំងពេក។ បន្ទាប់មក ដោយសារតែជនរងគ្រោះខឹងនាងដែលមិនព្រមនិយាយស្តីរកខ្លួន ក៏បានទាញម៉ូតូជិះចេញពីផ្ទះនៅឯទួលពង្រ ក្នុងបំណងទៅផ្ទះបងប្អូននៅក្បែរកន្លែងកើតហេតុ។
ក្រោយពេលកើតហេតុ ម៉ូតូរបស់ជនរងគ្រោះត្រូវបានសមត្ថកិច្ចជំនាញយកទៅរក្សាទុកនៅអធិការដ្ឋាននគរបាលខណ្ឌសែនសុខ ដើម្បីរង់ចាំសាច់ញាតិមកទទួលយកទៅវិញ។ ដោយឡែក ស.-ពបុរសរងគ្រោះត្រូវបានសមត្ថកិច្ចជំនាញប្រគល់ឲ្យក្រុមគ្រួសារដឹកយកទៅធ្វើបុណ្យទៅតាមប្រពៃណីនៅខេត្តកំពង់ចាម ដែលជាស្រុកកំណើត៕
