មេល្អ កម្ររកបាន ! សួ វិចិត្រ រំភើបស្ទើរស្រក់ទឹកភ្នែក ក្រោយ ថៅកែ របស់ខ្លួន ទិញឡានមួយគ្រឿងមក surprise, រំជួលចិត្តពេក ដល់ថ្នាក់និយាយថា…(មានវីដេអូ)
សូមរំលឹកឡើងវិញបន្តិចផងដែរថា កាលពីម្សិលម៉ិញនេះ នារាត្រី ថ្ងៃទី ០៦ ខែមីនា ឆ្នាំ ២០២២ កម្មវិធីប្រឡងចម្រៀង កម្រិតពិភពលោក Beat The Best បានឈានដល់ វគ្គផ្ដាច់ព្រ័ត្រហើយ ក្នុងនោះគេឃើញនៅសល់តែ បេក្ខជនចំនួន៤រូប ប៉ុណ្ណោះមកធ្វើការប្រកួត មានដូចជា សួ វិចិត្រ, ពេជ្រ ម៉េងលី, ឈាន ជាលឿយ និង អ៊ឹម ថៃ សុទ្ធសឹងតែជើងខ្លាំង និងទទួលបានការគាំទ្រពីសំណាក់ហ្វេនៗ យ៉ាងច្រើនរបស់ខ្លួនផងដែរ។
កាន់តែកក្រើកដល់បេះដូងគ្រប់គ្នានោះ អ្នកដែលក្លាយជា ម្ចាស់ជ័យលាភី ក្នុងកម្មវិធីប្រឡងចម្រៀងកម្រិតពិភពលោក BEAT THE BEST រដូវកាលទី១ នេះ គឺបានទៅលើ លោក សួ វិចិត្រ ហើយក៏ធ្វើឲ្យ អ្នកគាំទ្រ បេក្ខជនរូបនេះ អរស្ទើរហោះ ពិសេសបានធ្វើឲ្យ វិចិត្រ រំជួលចិត្ត ឡើងស្រក់ទឹកភ្នែក ភ្លាមៗ ពេលទទួលលទ្ធផលដ៏នឹកស្មានមិនដល់មួយនេះ។
ឆ្លៀតក្នុងឱកាសដ៏ពិសេសនោះ ថៅកែ របស់ សួ វិចិត្រ ក៏បានមកគាំទ្រ និងលើកទឹកចិត្ត ផងដែរ អមជាមួយបាច់ផ្កា យ៉ាងស្រស់ស្អាតទៀតផង រួចពោលពាក្យទំាងនេះ ចេញមកថា “បងចូលរួមត្រេកអរប្អូន ដែលធ្វើបានសម្រេច ប៉ុន្តែជីវិត នៅវែងឆ្ងាយណាស់ ត្រូវតែប្រឹងប្រែងតស៊ូបន្តទៀត”។
សែនត្រេកអរ ថែមទៀតនោះ កាលពីថ្ងៃទី ២១ ខែមីនា ឆ្នាំ ២០២២ ថៅកែ រូបនេះធ្លាប់បានសន្យានឹងជូនកាដូពិសេសមួយនេះដល់ វិចិត្រ ថែមទៀត ដោយលោកបានបញ្ជាក់ច្បាស់ៗថា
“ធ្វើបានល្អប្អូនវិចិត្រ ប្រឹងប្រឡងឲ្យជាប់ បងនឹងមានកាដូពិសេស មួយ គឺនាំឲ្យជិះយន្តហោះ ទៅលេងប្រទេសកូរ៉េ ហើយកែសម្រស់ ដើម្បីឲ្យប្អូនក្លាយជាតារាពិតៗ នៅសល់តែមួយវគ្គទៀតទេ សូមបងប្អូនទាំងអស់ជួយគាំទ្រ វិចិត្រផង”។
