ស៊ុក សោភា ហ៊ានចេញមុខនិយាយចំៗថា ឈាន ជាលឿយ រងយុត្តិធម៌ខ្លាំង
កាលពីយប់ថ្ងៃទី ៦ ខែមីនា ឆ្នាំ ២០២២ កម្មវិធីប្រឡងចម្រៀងកម្រិតពិភពលោក Beat The Best Cambodia រដូវកាលទី ១ បានប្រកាសរកឃើញម្ចាស់ជ័យលាភីលេខ ១ ហើយ គឺលោកទៅលើ សួ វិចិត្រ ជាបេក្ខជនមកពីខេត្តពោធិ៍សាត់។
ក្រោយពីប្រកាសស្វែងរកឃើញជ័យលាភីកម្មវធី Beat The Best នារដូវកាលដំបូងហើយនោះ ក៏មានមហាជនជាច្រើនមានក្តីរំភើបចិត្ត ក៏ព្រោះបេក្ខភាពក្នុងដួងចិត្តរបស់ពួកគេទទួលបានជោគជ័យ តែក្នុងនោះ ក៏មានមហាជនមួយចំនួនមានការខកចិត្តដែរ ដោយបេក្ខភាពក្នុងដួងចិត្តរបស់គេមិនអាចទទួលបានពានរង្វាន់នោះ។
ជាក់ស្តែង បើក្រឡេកទៅមើលអតីតតារាសម្តែង លោក ស៊ុក សុភា កំពុងតែរស់នៅឯប្រទេសអូស្រ្តាលីឯនោះវិញ ក៏ហាក់មានការខកចិត្តយ៉ាងខ្លាំងនូវលទ្ធផល កាល ពី យប់មិញ ក៏ព្រោះតែលោកហាក់មានការគាំទ្រទៅកាន់បេក្ខភាព ឈាន ជាលឿយ រហូតប្រតិកម្មខ្លាំងពោលពាក្យនេះថា ៖
«សម្រាប់ខ្ញុំជាអ្នកមើលហើយស្ដាប់ រាល់ក្មួយច្រៀងរាល់សប្ដាហ៍ គឺជារឿងអយុត្តិធម៌សម្រាប់ក្មួយប្រុស ឈាន ជាលឿយ មែនទែន។ ក្មួយមានទឹកដមសំឡេងខ្លាំងជាងគេ សំឡេងស្ទីលមិនដដែលៗទេ បន្ថែមទាំង រូបសម្បត្តិស្រស់ស្អាត
កម្ពស់ខ្ពស់ សំឡេងដូរបត់បែនគ្រប់ទម្រង់។ ពិសេសនៅក្មេងអាយុ ១៨ ឆ្នាំ ធ្វើបានប៉ុណ្ណឹង គឺជារឿងដែលគួរតែឱ្យក្មួយជាប់ទើបត្រឹមត្រូវ។ អ្នកឱ្យពិន្ទុឱ្យអើយ ពិន្ទុមិនដឹងអ្នករៀបកម្មវិធីឱ្យ ឬ អ្នកបោះឆ្នោតឱ្យពិតទេលោកអើយ ពីព្រោះមិនបានឃើញផង»៕
