ពិតជាស្អាតមែន ឈុតសម្លៀកបំពាក់របស់តារាចម្រៀង តន់ ចន្ទសីម៉ា ដែលត្រៀមថតបទថ្មីលើទឹកដីអង្គរ កំពុងទទួលបានការចាប់អារម្មណ៍ខ្លាំង
តារាចម្រៀងស្រីវ័យក្មេង ប្រចាំផលិតកម្ម Galaxy កញ្ញា តន់ ចន្ទសីម៉ា ដែលកញ្ញា ជាតារាចម្រៀងស្រីម្នាក់ ដែលបានសាងកេរ្តិ៍ឈ្មោះល្បីល្បាញ និងក្តោបបានទីផ្សារយ៉ាងច្រើន ពិសេស គឺទៅលើបទចម្រៀងរបស់កញ្ញា នីមួយៗចេញមក ធ្វើឲ្យមហាជន មានការពេញចិត្តស្តូកតែម្តង។
រាល់បទចម្រៀងនីមួយៗរបស់ តន់ ចន្ទសីម៉ា ត្រូវបានមហាជន ក៏ដូចជាហ្វេនៗជាច្រើនមានការចាប់អារម្មណ៍ និងកោតសរសើរ ពីទឹកដមសំឡេងដ៏ពិរោះរបស់នាង ។ តន់ ចន្ទសីម៉ា អាចប្រើប្រាស់សំលេងក្នុងទម្រង់បទភ្លេងបានច្រើនបែប ។ កាលពីពេលថ្មីៗនេះ បទចម្រៀងរបស់កញ្ញា តន់ ចន្ទសីម៉ា ក្នុងបទ “Are you ok?” ផ្ទុះកក្រើកពេញបណ្តាញសង្គម មានទាំងបរទេស និង កម្ពុជា គាំទ្រយ៉ាងខ្លាំង។
នៅក្នុងថ្ងៃទី០៤ ខែមីនា ឆ្នាំ ២០២២ នេះ នៅលើបណ្តាញសង្គមហ្វេសប៊ុកមួយបានធ្វើការផុសរូបរបស់កញ្ញា តន់ ចន្ទសីម៉ា ដោយស្លៀកសំលៀកបំពាក់ ថត នូវ MV ថ្មី លេីទឹកដីអង្គរ ។ ម្ចាស់គណនីហ្វេសប៊ុកមួយដែលមានឈ្មោះថា Nob Dane SamAngkar បានបង្ហោះឲ្យដឹងថា ” ឈុតសម្លៀកបំពាក់MV ថ្មី លេីទឹកដីអង្គរ របស់ប្អូនស្រី Ton ChanSeyma តន់ ចន្ទសីម៉ា អរគុណដល់ហាងសូត្រខ្មែរ Artisans Angkorសម្រាប់កន្សែងសូត្រនិង សម្លុយសូត្រក្បាលកី ចូលរួមដោយក្តីស្រលាញ់ ពី ប្រជាជនខ្មែរ (ស្រលាញ់អ្វីដែលខ្មែរមាន)”៕
