មិនធម្មតា! ម្តាយតារាស្រី Tangmo ជាតារាជើងចាស់ ធ្លាប់មានប្រវត្តិសិល្បៈបែបនេះ
វាហាក់ជាគ្មានអ្វីដែលប្លែកនោះទេ ដែលតារាស្រី Tangmo Nida គឺជាតារាសម្ដែងស្រីដែលមានទេពកោសល្យសម្ដែងល្អដែលមហាជនចាត់ទុកជាតារាស្រីជួរមុខនោះ ក៏ព្រោះថាបើងាកទៅមើលប្រវត្តិម្តាយរបស់នាងក៏ធ្លាប់ជាតួកុនជំនាន់មុនមានឈ្មោះល្បីល្បាញមិនធម្មតានោះទេ។
បើតាមការឱ្យដឹងពីសារព័ត៌កម្សាន្តថៃដ៏ល្បី Nine Entertain បានទម្លាយថា លោកស្រី Panida Siriyudthayothin ដែលជាម្តាយបង្កើតរបស់តារាស្រី Tangmo គឺជាតួឯកស្រីក្នុងរឿងភាគជាច្រើនរបស់ថៃនាជំនាន់ទូរទស្សន៍សខ្មៅ។ មិនត្រឹមតែជាតារាស្រីដែលមានឈ្មោះបោះសំឡេងនៅជំនាន់នោះហើយ លោកស្រី Panida ក៏ជាអ្នកធ្វើការផ្នែកសារព័ត៌មានផងដែរ។
ជាការពិតមហាជនខ្លះអាចមិនទាន់បានជ្រាបនៅឡើយទេថា កាលនៅសម្ដែងលោកស្រីគឺជាតារាស្រីម្នាក់ដែលមានសម្រស់ស្អាត និង ទេពកោសល្យល្អ ដែលមហាជនគ្រប់គ្នាតែងតែអួតសរសើរ។ តួយ៉ាងបច្ចុប្បន្នមានវ័យ ៦២ ឆ្នាំទៅហើយក្ដី តែលោកស្រី Panida នៅតែរឹងមាំ និង មានសម្រស់ស្រស់ស្អាតដដែល៕
