កាន់តែក្តៅ! ហាយសូរ Robert ត្រូវបានប៉ូលិសឃាត់ខ្លួនសួរចម្លើយជាថ្មី ក្រោយចាប់បានការសង្ស័យនេះ
កាលពីរាត្រីថ្ងៃទី ២ ខែមីនា ឆ្នាំ ២០២២ ម្សិលមិញនេះ ហាយសូរ Robert ដែលត្រូវបានគេស្គាល់ថាជាមិត្តរួមទូកម្នាក់ នៅថ្ងៃកើតហេតុជាមួយតារាស្រី Tangmo បានចុះមកដល់ទីតាំងកំពង់ទឹកនៃទន្លេចៅផាយ៉ា ដើម្បីចម្លងហេតុការណ៍ជាមួយក្រុមមន្ត្រីជំនាញ។
យ៉ាងណាមិញ មិនថាអ្នកសារព័ត៌មានព្យាយាមជជីកសួរប៉ុនណានោះទេ ហាយសូរ Robert គឺមិនមានឆ្លើយតបនូវសំនួរណាមួយនោះឡើយ ដោយលោកគ្រាន់តែបង្ហើបថា ៖
«ខ្ញុំបានឱ្យចម្លើយទៅខាងប៉ូលិសរួចរាល់អស់ហើយ ហើយក៏បានរៀបរាល់ហេតុការណ៍គ្រប់យ៉ាង នៅថ្ងៃកើតហេតុប្រាប់ម្តាយ Tangmo ដូចគ្នា»។
បន្ទាប់ពីធ្វើត្រាប់ជាមួយក្រុមប៉ូលិស និង មន្ត្រីជំនាញរួចរាល់ ហាយសូរ Robert ត្រូវបានប៉ូលិសចាប់ខ្លួន យកទៅសាកសួរចម្លើយជាថ្មី ក្រោយគេសង្ស័យថារូបលោក គឺជាអ្នកបើកទូកនៅយប់ថ្ងៃកើតហេតុ
ទាំងដែលខ្លួនមិនមានជំនាញច្បាស់លាស់ ទើបធ្វើឱ្យមានរឿងនេះកើតឡើង។ ចំពោះការសង្ស័យនេះពិត ឬ មិនពិត មានតែរង់ចាំការអាប់ដេតបន្ថែមនៅពេលក្រោយ៕ ប្រភព៖ Sanook
