ទីបំផុត Sand ព្រមប្រាប់ហើយ រឿងនាងរត់ទៅសំងំនៅផ្ទះ ក្រោយ Tangmo ធ្លាក់ទឹក…
កម្សាន្ត កាលពីរាត្រីថ្ងៃទី ១ ខែមីនា ឆ្នាំ ២០២២ នាង Sand ដែលជាមិត្តរួមទូកនៅថ្ងៃកើតហេតុជាមួយតារាស្រី Tangmo បានចេញមុខ Lives បកស្រាយឆ្លើយតបសំណួរមហាជន និង បានបញ្ជាក់ថានាងមិនបានកុហកនោះទេ។ នៅក្នុងការ Lives នោះ ហាយសូរ Sand បានបកស្រាយប្រាប់ពីមូលហេតុដែលនាងត្រលប់ទៅផ្ទះថា៖
«ពួកយើងចំណាយពេលតាមរកគាត់អស់ពេល ២ ទៅ ៣ ម៉ោងមុនត្រឡប់មកផ្ទះវិញ ព្រោះតែភ្នែករបស់ខ្ញុំវាឈឺ ហើយក៏គិតថាមកសម្រាកសិន ចាំពេលមានកម្លាំងចាំទៅជួយរកបន្ត តែក្រោយមកខ្ញុំក៏គ្រុនក្តៅនៅថ្ងៃបន្ទាប់ពេញមួយយប់ ទើបមិនបានទៅ»។
បន្ថែមពីនេះ ហាយសូរ Sand ក៏បានលើកដៃសុំទោសចំពោះកំហុស និងភាពថ្លោះធ្លោយរបស់នាង ដល់មហាជន និងក្រុមគ្រួសាររបស់ Tangmo ផងដែរ ដោយសង្ឃឹមថាគ្រប់គ្នានឹងយល់ចិត្ត ហើយព្រមអភ័យឱ្យនាង ព្រោះនាងក៏ខូចចិត្តដែលបាត់បង់មិត្តភក្តិដូចគ្នា៕
