ក្ដៅៗ! បងប្រុស Tangmo ចេញទូកទៅកន្លែងកើតហេតុ ដើម្បីហៅព្រលឹងប្អូនទៅផ្ទះវិញ(មានវីដេអូ)
រឿងរ៉ាវឧបទ្ទវហេតុរបស់តារាសម្ដែងស្រី Tangmo Nida ដែលបានធ្លាក់ពីលើទូកប្រណិត (COBALT) ចូលក្នុងទន្លេចៅប្រាយ៉ា ខណៈកំពុងធ្វើដំណើរជាមួយមិត្តភក្តិមួយក្រុម មានគ្នា ៥ នាក់ រហូតដល់បាត់បង់ជីវិតយ៉ាងអាថ៌កំបាំង កាលពីថ្ងៃទី ២៤ ខែកុម្ភៈ ឆ្នាំ២០២២។
យ៉ាងណាមិញ នៅថ្ងៃទី ២ ខែមីនា ឆ្នាំ២០២២ បងប្រុសរបស់ Tangmo បានមកដល់កំពង់ផែ ដែលជាចំណុចក្បែរសពប្អូនស្រីអណ្តែតឡើង ដើម្បីធ្វើពិធីអញ្ជើញវិញ្ញាណក្ខន្ធ និង បាននិយាយពាក្យផ្តែផ្តាំទៅកាន់ប្អូនស្រីឱ្យបានទៅកាន់សុគិតភព កុំមានការបារម្ភ។ ក្នុងនោះដែរ ក៏មានបាច់ផ្កា ក៏ដូចជាកម្រងផ្កាជាច្រើនពីអ្នកដែលស្រឡាញ់ចូលចិត្ត Tangmo ដែលបាននាំគ្នាមកចូលរួមរំលែកទុក្ខចំពោះការបាត់បង់ជីវិតរបស់នាង។
ខណៈកំពុងធ្វើពិធីហៅព្រលឹងប្អូនស្រីឱ្យត្រឡប់ទៅវិញ បងប្រុស Tangmo បាននិយាយទាំងអួលណែនថា៖ «ទោះបីជាគាត់ អាចមានជម្រើសក៏ដោយ ក៏គាត់មិនចង់ឱ្យប្អូនស្រីចាកចេញដែរ។ តែឃើញភួងផ្កាថ្ងៃនេះ គាត់ពិតជារំភើបចិត្តចំពោះអ្នកគាំទ្រជូន Tangmo»។ លោកបន្តទាំងសំឡេងញ័រព្យាយាមទប់ថា «រឿងដែលអ្នកចែកចាយរូបភាពប្អូនរបស់គាត់ ខ្លួនគាត់ផ្ទាល់ចង់ឱ្យអ្នកដែលមានរូបភាពសព Tangmo លុបចោល។ ព្រោះគាត់ចង់ឱ្យរឿងចងចាំមានតែរូបភាពស្រស់ស្អាតល្អៗ ដូច្នេះសូមកុំបន្តធ្វើបាបគ្នាទៀត»៕
