តារាប្រុសស្រីជាច្រើនដួង បានបង្ហោះសារយ៉ាងរំជួលចិត្ត ក្រោយទទួលដំណឹងមរណភាព របស់តារាប្រុសពហុជំនាញ លោក អៀង ចេនឡា
ហ្វេសប៊ុក៖ ដំណឹងមរណភាពរបស់តារាប្រុសពហុជំនាញ លោក អៀង ចេនឡា កាលពីយប់ថ្ងៃទី២៨ ខែកុម្ភៈ ឆ្នាំ ២០២២ បានធ្វើឲ្យមហាជន និងបណ្តាអ្នកគាំទ្ររូបលោក ក៏ដូចជាមិត្តក្នុងរង្វង់សិល្បៈមានការរន្ធត់ចិត្តយ៉ាងខ្លាំង ខណៈតារាប្រុសរូបនេះហាក់ធ្លាក់ខ្លួនឈឺធ្ងន់មិនបានប៉ុន្មាន ស្រាប់តែលោកលាចាកចោលក្រុមគ្រួសារ និងអ្នកគាំទ្រ មិត្តក្នុងសិល្បៈ គ្មានថ្ងៃវិលត្រឡប់ដូច្នេះ ។
ក្នុងមរណភាពរបស់តារាប្រុសរូបនេះ បានធ្វើឲ្យមហាជន និងសិល្បករជាច្រើន បានលាន់មាត់ដូចៗគ្នា ថាហាក់ទទួលយកពុំបាននោះឡើយ ព្រោះពិតជាលឿនពេកហើយ ពោលគឺត្រឹមរយៈពេល ១២ ថ្ងៃ ចាប់តាំងពីថ្ងៃទី១៦ ខែកុម្ភៈ ដល់ថ្ងៃទី២៨ ខែកុម្ភៈ ឆ្នាំ ២០២២ បន្ទាប់ពីលោក សុខ រ៉ាស៊ី ជាប្អូនប្រុស ប្រកាសថាលោក អៀង ចេនឡា ធ្លាកខ្លួនឈឺម្តងទៀត ហាក់មានសភាពធ្ងន់ធ្ងរខ្លាំង ជាជំងឺរលាកស្រោមខួរក្បាល ។
យ៉ាងណាមិញ ក្រោយទទួលដំណឹងដ៏សែនសោកសៅមួយនេះភ្លាម មហាជនជាច្រើន និងមិត្តក្នុងរង្វង់សិល្បៈម្នាក់ៗ ស្រឡាំងកាំងអស់ ថែមទាំងបង្ហោះសារដ៏សោកសៅទាំងនេះឡើង ៕
សូមទស្សនារូបភាពខាងក្រោមនេះ ។
