ធ្ងន់-ក ហើយ! ពេលនេះនាង Sand ត្រូវប៉ូលិសកោះហៅឱ្យធ្វើត្រាប់ផ្ទាល់ៗ ពីសកម្មភាពពេល Tangmo ធ្លាក់ទឹក….
មកទល់ពេលនេះ ៤ ថ្ងៃទៅហើយដែលតារាស្រី Tangmo បានឃ្លាតឆ្ងាយពីគ្រួសារ និង មិត្តៗសិល្បៈគ្មានថ្ងៃវិលត្រឡប់នោះ។ ពេលនេះរឿងរ៉ាវការស្លាប់របស់នាង កំពុងតែធ្វើឱ្យមហាជនថៃស្ទើរតែទូទាំងប្រទេសទៅហើយ ដែលកំពុងតែផ្ទុះការវែកញែក និង មិនអស់ចិត្តចំពោះការស្លាប់របស់នាង។
ពេលនេះដែរ មហាជនកំពុងតែដាក់កំហិតទៅដល់មិត្តរួមទូកទាំង ៥ នាក់ របស់ Tangmo ថាអាចមានជាប់ពាក់ព័ន្ធនៅក្នុងហេតុការណ៍ការស្លាប់របស់ Tangmo បើទោះបីជាពួកគេបានចេញមុខផ្តល់ចម្លើយខ្លះៗហើយក៏ដោយ។
ដោយឡែក នៅយប់ថ្ងៃទី ២៨ ខែកុម្ភៈ ឆ្នាំ ២០២២ កន្លងទៅ ក្រុមសមត្ថកិច្ច ក៏ដូចជាក្រុមអ្នកស៊ើបអង្គេតជុំវិញការស្លាប់របស់តារាស្រី Tangmo បានកោះហៅយនាង Sand ដែលជាមិត្តរួមទូកជាមួយមកធ្វើត្រាប់តាមជុំវិញហេតុការណ៍ដែលកើតមានឡើងនៅក្នុងថ្ងៃកើតហេតុដែលបណ្តាលឱ្យ Tangmo ធ្លាក់ទឹកស្លាប់នោះ។
ចំណែក មិត្តភក្តិទាំង ៤ នាក់ទៀតដែលនៅសល់បន្ទាប់ពី Sand ទាំងប៉ុន្មាន ខាងសមត្ថកិច្ចនឹងយកមកឱ្យត្រាប់តាមហេតុការដែលកើតឡើងនៅថ្ងៃបន្ទាប់។
ក្នុងនោះដែរ ក្រោយចប់ការធ្វើត្រាប់ភ្លាម នាង Sand ក៏ផ្តល់បទសម្ភាសនៅចំពោះមុខអ្នការសែត ក៏ដូចជាសមត្ថកិច្ចថា នាងមិនបានស្រ្តេសនោះទេជុំវិញរឿងរ៉ាវមួយនេះ នាងនឹងចូលខ្លួនរួមសហការជាមួយសមត្ថកិច្ចក្នុងការធ្វើត្រាប់មួយនេះ ហើយនាងសូមនិយាយថា គ្រប់យ៉ាងនាងមិនបានត្រៀមឡើយ វាសុទ្ធតែជាការពិតទាំងអស់៕
សូមទស្សនាវីដេអូខាងក្រោមនេះ
សូមទស្សនារូបភាពខាងក្រោមនេះ
