ស្រណោះណាស់ ! ក្រោយដឹងថា តារាសម្តែង ចេនឡា បានលាចាកលោកនេះ ធ្វើឲ្យ តារាកំប្លែង ស្រីពីន ដៃគូសម្តែងដ៏ស័ក្ដិសមបំផុត ស្លុតចិត្តយ៉ាងខ្លាំង រួចរៀបរាប់ ទំាងទឹកភ្នែកថា “ពីពេលនេះទៅ បង…”
សូមរំលឹកឡើងវិញបន្តិចផងដែរថា កាលពីថ្ងៃទី ១៥ ខែកុម្ភៈ ឆ្នាំ ២០២២ ទើបកន្លងផុតទៅប៉ុន្មានថ្ងៃនេះ គេឃើញ ពិធីករដ៏ល្បីឈ្មោះម្នាក់ឈ្មោះ សុខ រ៉ាស៊ី បានប្រកាសដំណឹងដ៏សែនភ្ញាក់ផ្អើលមួយពីបងប្រុសរបស់លោក គឺ តារាសម្តែង អៀង ចេនឡា ធ្លាក់ខ្លួនឈឺធ្ងន់ធ្ងរ ស្ទើរមិនគួរឲ្យជឿ ដោយលោកបានបញ្ជាក់បែបនេះថា
“បងប្រុសខ្ញុំ គាត់ឈ្មោះ៖ អៀង ចេនឡា គាត់ជាតារាចម្រៀង ពេលនេះ ឈឺធ្ងន់ ជំងឺ រលាកស្រោមខួរក្បាល លែងនិយាយដឹងអីហើយ រវឺរវាយបាត់បង ការចងចាំ សូមអធ្យាស្រ័យផង សម្រាប់បងប្អូនអ្នកហៅគាត់ធ្វើការងារទាំងប៉ុន្មាន!”។
ចំណែកនៅមុននេះបន្តិច នាយប់ម៉ោងជាង ៩ នាថ្ងៃទី ២៨ ខែកុម្ភៈ ឆ្នាំ ២០២២ ម្នាក់ៗ រន្ធត់ចិត្តយ៉ាងខ្លាំង ក្រោយទទួលដំណឹងថា តារាសម្តែង អៀង ចេនឡា លោកបាន លាចាកលោកនេះ បាត់ទៅហើយ។ លោក សុខ រ៉ាស៊ី បានត្រឹមពោលពាក្យ ទំាងទឹកភ្នែក ប្រាប់ថា “ហេតុអីទេវតាធ្វើបាបខ្ញុំម្ល៉េះ បងប្អូនមានតែពីរនាក់ ឥឡូវបងប្រុសខ្ញុំ ចាកចេញទៅម្នាក់ទៀតហើយ!”។
ដឹងរឿងនេះភ្លាម ធ្វើឲ្យ តារាកំប្លែង ស្រីពីន ដែលជាដៃគូ សម្តែង ដ៏ស័ក្ដិសម ជាមួយ ចេនឡា បានសរសេររៀបរាប់ទំាងហូរទឹកភ្នែកថា “ស្ទើរតែមិនជឿ បងប្រុសទៅចោលប្អូនរហូតហើយ សំពាធផ្លូវចិត្ត វាពិតជាពិបាកខ្លាំងណាស់ សូមបង សំរាកគេងលក់អោយស្រួលចុះ ពីពេលនេះទៅ បងលែងហត់នឿយ ទៀតហើយ សូមបងទៅអោយបានសុគតិភព ចុះណា កើតជាតិក្រោយ សូមបង អាយុវែង កុំអាយុខ្លី ដូចជាតិនេះ 28.02.2022 Chenla Eang (RIP)”។
ខាងក្រោមនេះ ជារូបភាពខ្លះៗ ដែល ស្រីពីន និង លោក ចេនឡា ធ្លាប់បានថតជាមួយគ្នា ឃើញហើយ សែនស្រណោះខ្លាំងណាស់ ៖
