លឿនពេកហើយ ! តារាសម្តែង អៀង ចេនឡា បានលាចាកលោកនេះបាត់ទៅហើយ, លោក សុខ រ៉ាស៊ី បានត្រឹមពោលពាក្យ ទំាងទឹកភ្នែកថា “ហេតុអីទេវតាធ្វើបាបខ្ញុំម្ល៉េះ…”
សូមរំលឹកឡើងវិញបន្តិចផងដែរថា កាលពីថ្ងៃទី ១៥ ខែកុម្ភៈ ឆ្នាំ ២០២២ ទើបកន្លងផុតទៅប៉ុន្មានថ្ងៃនេះ គេឃើញ ពិធីករដ៏ល្បីឈ្មោះម្នាក់ឈ្មោះ សុខ រ៉ាស៊ី បានប្រកាសដំណឹងដ៏សែនភ្ញាក់ផ្អើលមួយពីបងប្រុសរបស់លោក គឺ តារាសម្តែង អៀង ចេនឡា ធ្លាក់ខ្លួនឈឺធ្ងន់ធ្ងរ ស្ទើរមិនគួរឲ្យជឿ ដោយលោកបានបញ្ជាក់បែបនេះថា
“បងប្រុសខ្ញុំ គាត់ឈ្មោះ៖ អៀង ចេនឡា គាត់ជាតារាចម្រៀង ពេលនេះ ឈឺធ្ងន់ ជំងឺ រលាកស្រោមខួរក្បាល លែងនិយាយដឹងអីហើយ រវឺរវាយបាត់បង ការចងចាំ សូមអធ្យាស្រ័យផង សម្រាប់បងប្អូនអ្នកហៅគាត់ធ្វើការងារទាំងប៉ុន្មាន!”។
ចំណែកនៅមុននេះបន្តិច នាយប់ម៉ោងជាង ៩ នាថ្ងៃទី ២៨ ខែកុម្ភៈ ឆ្នាំ ២០២២ ម្នាក់ៗ រន្ធត់ចិត្តយ៉ាងខ្លាំង ក្រោយទទួលដំណឹងថា តារាសម្តែង អៀង ចេនឡា លោកបាន លាចាកលោកនេះ បាត់ទៅហើយ។ លោក សុខ រ៉ាស៊ី បានត្រឹមពោលពាក្យ ទំាងទឹកភ្នែក ប្រាប់ថា “ហេតុអីទេវតាធ្វើបាបខ្ញុំម្ល៉េះ បងប្អូនមានតែពីរនាក់ ឥឡូវបងប្រុសខ្ញុំ ចាកចេញទៅម្នាក់ទៀតហើយ!”។
តារាសម្តែង ញឹម ច័ន្ទថន បានរៀបរាប់ទំាងអួលដើមក បន្ថែមថា “លឿនពេកហើយ ឯងអើយ គ្នារកអ្នកជួយឈាមឯងបានថ្ងៃនេះ ហេតុអី ទៅលឿនម្ល៉េះ ចេទ្បាអើយ គ្នាស្ដាយណាស់ ចូលរួមរំលែកទុក្ខផង ស្ដាយមនុស្សមានសមត្ថភាព”។
ក្រោយទទួលបានដំណឹងនេះ ហ្វេនៗ ក៏ដូចមិត្តរួមសិល្បៈ សម្តែងក្តីរន្ធត់ចិត្តយ៉ាងខ្លាំង ស្ទើរមិនគួរឲ្យជឿ និងនឹកស្មានដល់ទាល់តែសោះ ថា ចេនឡា ទៅលឿនបែបនេះ ហើយគ្រប់គ្នាបានត្រឹមបង្ហោះសារទំាងទឹកភ្នែកចូលរួមរំលែកទុក្ខនៃគ្រួសារសព។
ខាងក្រោមនេះ ជារូបភាពកន្លងទៅ ដែល លោក ចេនឡា បានថតជាមួយមិត្តរួមអាជីពជាមួយខ្លួន ៖
