ពេលនេះមានជនភៀសខ្លួនអ៊ុយក្រែនចំនួន ៣៦៨,០០០នាក់ នេះបើតាមការប៉ាន់ស្មានរបស់អង្គការសហប្រជាជាតិ

អង្គការសហប្រជាជាតិទទួលបន្ទុកជនភៀសខ្លួនបានរាយការណ៍កាលពីថ្ងៃអាទិត្យថា ជនភៀសខ្លួនអ៊ុយក្រែនជិត 400,000 នាក់បានភៀសខ្លួនចេញពីផ្ទះរបស់ពួកគេចាប់តាំងពីការឈ្លានពានរបស់រុស្ស៊ីកាលពីថ្ងៃព្រហស្បតិ៍។

UNHCR បានសរសេរកាលពីថ្ងៃអាទិត្យថា “#ចំនួនជនភៀសខ្លួនអ៊ុយក្រែនទើបតែត្រូវបានធ្វើឱ្យថ្មីឡើងវិញ – ទាំងនេះគឺផ្អែកលើទិន្នន័យដែលផ្តល់ដោយអាជ្ញាធរជាតិ។ ចំនួនសរុបបច្ចុប្បន្នគឺ 368,000 នាក់ ហើយបន្តកើនឡើង” ។

មនុស្សយ៉ាងច្រើនបានព្យាយាមរត់គេចពីទីក្រុង និងទីប្រជុំជននានាក្នុងប្រទេស ដោយផ្លូវបានស្ទះនៅពេលដែលមនុស្សផ្លាស់ទីទៅភាគខាងលិចឆ្ពោះទៅប្រទេសប៉ូឡូញ និងសហភាពអឺរ៉ុប។