ទម្លាយចម្លើយពីមាត់មិត្តម្នាក់ រៀបរាប់ហេតុការណ៍ពេល Tangmo បាត់ខ្លួនភ្លាម ដឹងហើយសឹងស្ទះទ្រូង…(មានវីដេអូ)
ខណៈនេះករណីរបាត់ខ្លួននៅទន្លេចៅផាយ៉ារបស់តារាសម្ដែងស្រី Tangmo ហាក់កំពុងតែកក្រើកខ្លាំងនៅលើបណ្ដាញសង្គមនៅឡើយ។ គិតចាប់តាំងតែវេលាម៉ោង ២២ និង ៤០ នាទីយប់ថ្ងៃទី ២៤ ខែកុម្ភៈ ឆ្នាំ ២០២២ កន្លងទៅ មកទល់វេលាស្មើនេះក្រុមអ្នកជួយសង្គ្រោះហាក់ពុំទាន់រកឃើញដំរួយអ្វីពីការបាត់ខ្លួនរបស់តារាស្រី Tangmo នោះទេ។
យ៉ាងណាមិញ កាលពីថ្ងៃទី ២៥ ខែកុម្ភៈ ឆ្នាំ ២០២២ កន្លងទៅនេះ ប៉ូលិសក៏បានធ្វើការសាកសួរក្រុមមិត្តភក្តិ ៥ នាក់ដែលនៅលើទូកជាមួយនឹងតារាស្រី Tangmo រួចរាល់ហើយ។ ក្នុងចំណោមិត្ត ៥ នាក់នោះ លោក Por ដែលជាមិត្តម្នាក់ក្នុងចំណោមនោះបានទម្លាយថា ខណៈដែលតារាស្រី
Tangmo ធ្លាក់ទឹកនោះ លោកពុំបានឃើញផ្ទាល់ភ្នែកឡើយ ព្រោះលោកនៅខាងមុខទូក រីឯតារាស្រី Tangmo រួមនឹងមិត្តភក្តិស្រីនៅខាងក្រោយទូក ដូចនេះបើចង់ដឹងរឿងច្បាស់រឿងតារាស្រី Tangmo ធ្លាក់ទឹក លោក Por ថាគួរតែសាកសួរមិត្តភក្តិស្រីរបស់ Tangmo ឈ្មោះថា Sen ល្អជាង។
មុនកើតហេតុលោកក៏មិនបានដឹងថា តារាស្រី Tangmo ទៅបត់ជើងតូចនោះដែរ ដល់ឮសំឡេងស្រែករបស់មិត្តភក្តិម្នាក់ទៀតថា Tangmo ធ្លាក់ទឹកបានលោកដឹង ហើយភ្ញាក់ផ្អើលតែម្ដង។ រំពេចនោះម្នាក់ៗហាក់ជាស្លន់ស្លោ ហើយក៏បានព្យាយាមត្រឡប់ទូកដើម្បីស្វែងរកនៅទីតាំងកើតហេតុ ព្រោះខណៈដែល Tangmo ធ្លាក់ទឹកគឺទូកនៅតែបើកនៅឡើយ។
ខណៈដែលកំពុងតែស្វែងរកលោកជាមួយនឹងមិត្តភក្តិដទៃក៏បានព្យាយាមទាក់ទងទៅអាជ្ញាធរដូចគ្នា។ លើសពីនោះ សម្រាប់រឿងបន្ទប់ទឹកនៅលើទូក គឺពុំមានការខូចទេអាចប្រើប្រាស់បានតែពេលនោះដូចមានអីវ៉ាន់ ដូចនេះទើបតារាស្រី Tangmo ទៅបត់ជើងតូចនៅខាងក្រោយទូកតែម្តងទៅ។
ណាមួយលោកបន្តថា ជាធម្មតាអ្នកដែលជិះទូក Speed boat ភាគច្រើនតែងតែបត់ជើងបត់ដៃបែបនោះ។ ក្នុងនោះ សម្រាប់អ្នកផ្សេងពុំមានរណាម្នាក់ដែលឈឺនោមឡើយ ព្រោះមុនពេលចេញពីភោជនីយដ្ឋានមុនឡើងទូកគឺគ្រប់គ្នាសុទ្ធតែបានចូលបន្ទប់ទឹកហើយៗ អត់តែតារាស្រី Tangmo ម្នាក់ប៉ុណ្ណោះ។
លោក Por បានបញ្ជាក់ថា ពួកគេពិតជាបានផឹកស្រាពិតប្រាកដមែន តែតិចច្រើនស្រវឹងមិនស្រវឹងគឺអាស្រ័យអ្នកផឹករៀងៗខ្លួន រីឯការនិយាយថាមានសេពគ្រឿងញៀននោះវាមិនពិតទេ សូម្បីតែប៉ូលិសបានតេស្តទឹកនោមរបស់លោក និង មិត្តភក្តិក៏ពុំមានឃើញសារធាតុញៀនដែរ។
ថ្លែងក្នុងបទសម្ភាសសារព័ត៌មានលោក Por ហាក់សម្ដែងក្ដីរន្ធត់ និង សោកសៅយ៉ាងខ្លាំងខណៈមិត្តភក្តិត្រូវបានធ្លាក់ចូលកណ្ដាលទន្លេបាត់ខ្លួនដូចនេះ។ លោកបាននិយាយទាំងទឹកភ្នែកសុំឱ្យមហាជនយល់ចិត្តលោកផង និង ជួយគ្នាស្វែងរកតារាស្រី Tangmo ទាំងអស់គ្នា៕
សូមទស្សនាវីដេអូខាងក្រោមនេះ
សូមទស្សនារូបភាពខាងក្រោមនេះ
