ព្រឺសម្បុរ! មានគេផ្ញើវីដេអូឱ្យអ្នករុករក បង្ហាញពីស្រ្តីម្នាក់ត្រូវវិញ្ញាណ Tangmo សណ្ឋិត ស្រែកយំថាជាប់ក្រោមស្ពានងើបឡើងមិនរួច….
គិតត្រឹមថ្ងៃទី ២៦ ខែកុម្ភៈ ឆ្នាំ ២០២២ នេះជាង ៣០ ម៉ោងហើយ ដែលក្រុមជំនាញបានរុករកតារាស្រី Tangmo នៅតាមដងទន្លេចៅផាយ៉ា ដោយមានទាំងការជ្រមុជទឹក និង ការជិះស្វែងរកលើផ្ទៃទឹក ប៉ុន្តែរហូតមកទល់ពេលនេះនៅតែគ្មានដំរួយអ្វីឡើយ។
ទោះជាយ៉ាងណា មកទល់ម៉ោងនេះដដែល ក្រុមជំនាញ ក៏ដូចជាបងប្អូនទាំងអស់ហាក់មិនអស់សង្ឃឹមឡើយ ម្នាក់ៗនៅតែដុតដៃដុតជើងតាមរក Tangmo មិនខ្លាចនឿយហត់ឡើយ បើទោះបីជាត្រូវថ្ងៃ សើមទទឹកប៉ុនណាក៏មិនរួញរាឡើងក្នុងបេសកកម្មយ៉ាងមមាញឹកមួយនេះ។
ដោយឡែក អ្វីដែលមហាជនទាំងអស់ហាក់មិនអស់ចិត្តនោះ មកទល់ ៣០ ម៉ោងជាងហើយ តែបែរជាគ្មានតម្រុយទាល់តែសោះសម្រាប់អ្នករុករក រហូតមានការសន្និដ្ឋានឡើងមកខុសៗគ្នារាល់ជុំវិញហេតុការណ៍ដែលកើតមានឡើង។
ក្នុងនោះអ្វីដែល កាន់តែធ្វើឱ្យមហាជន ក៏ដូចជាក្រុមមន្រ្តីជំនាញព្រឺសម្បុរនោះ គឺខណៈពេលកំពុងតែតាមរក Tangmo ស្រាប់តែមានបុគ្គលម្នាក់បានផ្ញើវីដេអូមួយឱ្យអ្នករុករក ពោលគឺមន្រ្តីជំនាញ ដោយបង្ហាញថាមានស្រ្តីម្នាក់ត្រូវវិញ្ញាណ Tangmo ចូលសណ្ឋិត ហើយស្រែកយំថាជាប់ក្រោមស្ពានងើបឡើងលើមិនរួច ឱ្យជួយនាងផង។
លើសពីនេះទៅទៀត ក៏មានអ្នកសួរទៅស្ត្រីដែលអះអាងថាមានវិញ្ញាណ Tangmo ចូលសណ្ឋិតនោះថា តើនាងនៅមានជីវិតទេ ខណៈនោះគេបានឆ្លើយថា អត់មានទេ ជួយនាងផងនាងឡើងមិនរួចឡើយ។
ទោះជាយ៉ាងណា បើតាមការបញ្ជាក់បន្ថែមពីមន្រ្តីជំនាញក្នុងការរុករក លោកនឹងយករឿងរ៉ាវ និង ដំរួយដែលទទួលបានទាំងប៉ុន្មានគឺទុកជាតឹកតាងក្នុងការតាមរក៕
សូមចុចទស្សនាវីដេអូនៅចន្លោះម៉ោង ១:៥០ នាទី តទៅ៖
