ក្រោយ Tangmo បាត់ខ្លួន ១២ ម៉ោងហើយនៅរកមិនឃើញ គូស្នេហ៍នាងបានត្រឹមបង្ហោះសារមួយឃ្លាយ៉ាងក្តុកក្តួលថា
ថៃ ៖ ជាការពិតណាស់ដែលនៅយប់ថ្ងៃទី ២៤ ខែ កុម្ភៈ ឆ្នាំ ២០២២ នេះមហាជនថៃជាច្រើនមានការភ្ញាក់ផ្អើលខ្លាំង ក្រោយតារាស្រីថៃល្បីឈ្មោះនាង Tangmo Nida បានធ្លាក់ចូលក្នុងទឹកទន្លេនៅ ចៅប្រាយ៉ា ក្បែរកំពង់ផែ Phiulsongkram ខេត្ត Nonthaburi ដែលនៅជិតស្ពាន Rama 7 នេះបើយោងតាមរយៈបុគ្គលិកនៃមូលនិធិ Ruam Kuayyu បានជូនដំណឹងអោយដឹង។
ជាក់ស្ដែងផងដែរនោះនៅពេលនេះកម្លាំងសមត្ថកិច្ចកំពុងតែតាមដាន និងចុះត្រួតពិនិត្យស្វែងរកតារាស្រីរូបនេះហើយ ដោយប្រើពេល ៥ ម៉ោងមកហើយនៅតែមិនទាន់រកឃើញនាងឡើយ ។ គួរបញ្ជាក់ថានេះបើយោងតាមអ្នកនៅលើទូកជាមួយគ្នានិងតារាស្រីរូបនេះបានប្រាប់អោយដឹងថា មុនពេលកើតហេតុនាងបានអង្គុយនៅផ្នែកខាងក្រោយទូកលេង នៅម៉ោងប្រហែលជា ១១ យប់ប៉ុន្តែស្រាប់តែនាងធ្លាក់ចុះទៅក្នុងទន្លេបាត់
ដោយក្រុមមិត្តភក្តិនិងក្រុមការងារខំប្រឹងជិះទូកស្វែងរកយ៉ាងណាក៏នៅតែមិនទាន់ឃើញនាងឡើយ ដោយក្នុងនោះអ្នកភូមិនៅជិតៗនោះក៏បានប្រាប់ថាបានឮសំឡេងមនុស្សស្រែកហៅអោយជួយផងដែរ ប៉ុន្តែមិនដឹងនៅទីណាឡើយឮតែសំឡេងប៉ុណ្ណោះនិងមិនបានដឹងថាតារាស្រី Tangmo Nida បានធ្លាក់ទឹកទន្លេងនោះឡើយ ។
បន្ទាប់ពីបានដឹងពីដំណឹងបាត់ខ្លួនរបស់នាង Tangmo Nida ស្រាប់តែគូស្នេហ៍របស់នាងនិយាយទាំងក្តុកក្តួលអារម្មណ៍បែបនេះតែម្ដងថា “អូននៅទីណា? គ្រប់គ្នាបារម្ភពីអូនខ្លាំងណាស់” ។ គិតមកដល់ថ្ងៃទី ២៥ ខែ កុម្ភៈ ឆ្នាំ ២០២២ នេះគឺនាងបានបាត់ខ្លួនទៅ ១២ ម៉ោងមកហើយ នៅតែមិនទាន់រកឃើញនាងនៅឡើយទេមិនដឹងយ៉ាងណាឡើយធ្វើអោយមហាជនពិតជាបារម្ភណាស់៕
