តារាថៃទាំងនេះ កំពុងនាំគ្នា បួងសួងដល់ Tangmo ឲ្យផុតគ្រោះថ្នាក់

ថៃ៖ យ៉ាងណាមិញ មកដល់ពេលនេះ ការស្វែងរក តារាសម្ដែងស្រី Tangmo ដែលបានធ្លាក់ទឹកទន្លេបាត់ខ្លួន នៅរកមិនទាន់ឃើញនៅឡើយ។ ទន្ទឹមនឹងនោះ តារាថៃដែលជាមិត្តរួមសិល្បៈជាច្រើនរូប បានបង្ហាញពីទឹកចិត្ត ក្ដីបារម្ភ និង បានបួងសួងទៅឲ្យ តារាស្រីនេះ ផុតគ្រោះថ្នាក់ទាំងដែលគ្មានសង្ឃឹមរស់។

ជាមួយគ្នានេះដែរ មិនថាតែមហាជននោះទេ សូម្បីតែតារាថៃដូចគ្នា ក៏មានការតក់ស្លុត និង កំពុងតែធ្វើការតាមដានការស្វែងរក Tangmo របស់សមត្ថកិច្ចនិងអ្នកជំនាញមុជទឹកយ៉ាងស្វាត់ស្វាញ់។ លើសពីនោះ តារាទាំងនេះ បានបង្ហោះសារនៅក្នុងបណ្ដាញសង្គម ដើម្បីបង្ហាញពីទឹកចិត្តព្រួយបារម្ភរបស់ពួកគេផងដែរ។

បើទោះបីជាគ្មានសង្ឃឹមថា តារាសម្ដែងស្រីរូបនេះ នៅមានជីវិតក៏ដោយ ប៉ុន្ដែគ្រប់គ្នានៅតែបន់ស្រន់សុំឲ្យរកឃើញនាងឲ្យបានឆាប់ទៅចុះ៕