Pinky ស្លុតចិត្តយ៉ាងខ្លាំង ពេលលឺថាមិត្តសម្លាញ់ ធ្លា ក់ ចូ ល ទឹ កទន្លេ

ថៃ៖ កាលពីយប់ថ្ងៃទី២៤ ខែកុម្ភៈ ឆ្នាំ២០២២ ផ្ទុះការភ្ញាក់ផ្អើលទាំងយប់ ក្រោយទទួលដំណឹងថា តារាសម្តែងថៃ  Tangmo Nida ត្រូវបានធ្លាក់ចូលទឹកចៅប្រាយ៉ា ពេលជិះទូកលេងជាមួយមិត្តភក្តិ។ ខណៈពេលនេះ ក្រុមគ្រួសារ សាច់ញាតិ និងមិត្តភក្តិរបស់  Tangmo Nida ពិតជាមានការព្រួយបារម្ភជាខ្លាំង ។ ហេតុការណ៍នេះបានកើតឡើងកាលពីវេលាម៉ោង ៨យប់ ប៉ុន្តែទើបតែមានការភ្ញាក់ផ្អើលនៅវេលាម៉ោង ២២ៈ៤០នាទីយប់។

ដោយឡែកបើយោងតាមទំព័រហ្វេសប៊ុក សារព័ត៏មានថៃ បានប្រាប់ឲ្យដឹងនៅព្រឹកនេះថា នៅព្រឹកថ្ងៃទី ២៥ ខែកុម្ភៈ ឆ្នាំ២០២២ នេះ នៅមិនទាន់រកឃើញតារាស្រីរូបនេះឡើយ  ហើយក្រុមអ្នកមុជទឹកបានផ្អាកការរុករកសិន ដោយសារទូកអ្នកដំណើរចាប់ផ្តើមចេញធ្វើដំណើរហើយព្រឹកនេះ។

ជុំវិញករណីនេះ តារាសម្តែងដ៏ល្បីឈ្មោះ Pinky Savika បានបង្ហាញក្តីព្រួយបារម្ភយ៉ាងខ្លាំង ចំពោះមិត្តភក្តិជិតស្និទ្ធខ្លួន។ Pinky Savika បានបង្ហោះសារថា “នាងគេងមិនលក់ពេញមួយយប់ ដោយសារតែព្រួយបារម្ភ ។ នាងបួងសួងដល់ព្រះ សូមឲ្យឆាប់រក មិត្តសម្លាញ់របស់នាងឃើញ ហើយសង្ឃឹមថា នាងមិនមានគ្រោះថ្នាក់អ្វីនោះទេ។