ថ្ងៃ២២ ០២ ២០២២ ជាថ្ងៃល្អ ប៉ែន ចំរុង ដឹកដៃភរិយា ដាក់ប៉ុន្មានប៉ុស្តិ៍នេះ ក្នុងឈុតបុរាណខ្មែរ លើទឹកដីអង្គរ មើលទៅពិតជាស្រស់ស្អាតសមសួនណាស់ ឆ្លៀតផ្ញើរសារជូនប៉ុន្មានឃ្លានេះទៀតថា…
ហ្វេសប៊ុក៖ ពិតណាស់ ជីវិតគ្រួសាររបស់តារាសម្តែង និជាពិធីករដ៏ល្បីឈ្មោះ ប៉ែន ចំរុង បច្ចុប្បន្ននេះកាន់តែមានសុភមង្គល និងមានក្តីសុខកាន់តែខ្លាំងឡើងគួរឲ្យកត់សម្គាល់ ស្របពេលដែលទទួលបានចំណងដៃកូនស្រីម្នាក់ ដ៏គួរឲ្យស្រលាញ់ ។
មួយវិញទៀត នៅលើបណ្តាញសង្គមហ្វេសប៊ុក គេសង្កេតឃើញថា ពិធីកររូបនេះ តែងបង្ហាញពីសកម្មភាពផ្អែមល្ហែម នៅក្នុងគ្រួសារ ក៏ដូចជាការផ្តល់ពេលវេលាដំណើរកម្សាន្តជារឿយៗ ។
ជាក់ស្តែង នៅថ្ងៃទី២២ ខែកុម្ភៈ ឆ្នាំ ២០២២ នេះ នៅលើបណ្តាញសង្គមហ្វេសប៊ុក របស់លោក ប៉ែន ចំរុង បានបង្ហោះរូបភាពជាច្រើនសន្លឹក ជាមួយភរិយារបស់ខ្លួន នៅលើទឹកដីអង្គរ ខេត្តសៀមរាប ជាមួយនឹងការតុបតែងខ្លួនក្នុងឈុតបុរាណ រំលេចរូបទង់ជាតិខ្មែរ មើលទៅពិតជាស្រស់ស្អាតសមសួនខ្លាំងមែនទែន ។
ក្នុងនោះផងដែរ ប៉ែន ចំរុង ក៏បានភ្ជាប់សារប៉ុន្មានឃ្លាទៀតថា៖ “២២.០២.២០២២ ជាថ្ងៃល្អ ខែល្អ ឆ្នាំល្អ សូមអោយគ្រួសាររបស់ខ្ញុំ ក៏ដូចជាគ្រួសារអ្នកទាំងអស់គ្នា ជួបតែសេចក្តីសុខ សប្បាយរីករាយជៀសផុត ពីជំងឺនានា ជួបតែរឿងល្អៗ សំណាងល្អៗ មានសុខភាពល្អ រកសុីកាន់តែរីកចម្រេីនមានបាន សាធុ សាធុ” ។
ក្រោយពីបានឃើញរូបភាព និងសកម្មភាពបែបនេះហើយ មានមហាជនជាច្រើន និងហ្វេនៗពិតជាសរសើរដល់រូបលោក ដែលទោះបីជាមានភាពមមាញឹកខ្លាំងបែបណាក៏ដោយ ក៏លោកនៅតែឆ្លៀតពេលវេលាជូនភរិយាដែល ៕ប្រិយមិត្តចង់ដឹងកាន់តែច្បាស់នោះសូមទស្សនារូបភាពខាងក្រោមនេះ ។
