រំភើបជំនួស! កាឆយ ការម្ដងទៀតយកហុងស៊ុយ ត្រូវលោកជំទាវ ទ្រី ដាណា ចងដៃលុយដុល្លារទាំងខ្ទាស់
ជឿជាក់ថា ប្រិយមិត្តជាច្រើបានស្គាល់រួចមកហើយនូវតារាកំប្លែងជើងចាស់ អ្នកនាង កាឆយ ថែមទាំងទទួលបានការគាំទ្រយ៉ាងខ្លាំង ទៅលើសមត្ថភាព ព្រមទាំងវោហាស័ព្ទចាក់ទឹកមិនលិច ដែលបានផ្ដល់ភាពសប្បាយរីករាយ ដល់ទស្សនិកជនជាច្រើន ផងដែរ។
ជាមួយគ្នានេះ កាលពីម្សិលមិញនេះ តារាកំប្លែងរូបនេះ បានប្រារព្ធពិធីខួបអាពាហ៍ពិពាហ៍២២ឆ្នាំ របស់ខ្លួនជាមួយស្វាមី រៀបចំឡើងយ៉ាងអធិកអធមផងដែរ ដោយមានការចូលរួមពីសំណាក់តារាៗល្បី អ្នកមានមុខមាត់លេចវត្តមានក្នុងកម្មវិធីរបស់តារាកំប្លែងរូបនេះយ៉ាងច្រើនកោះករ។
ពេលចូលរួមអាពាហ៍ពិពាហ៍នេះ លោកជំទាវ ហ៊ុន ស៊ីណាត បានបង្ហាញថា ៖ “ថ្ងៃនេះលើកទីមួយហើយដែលដឹកដៃកូនក្រមុំចាស់ សុខសុធា ជាគូនិង សារិទ្ធ ខួបសិរីមង្គលអាពាហ៍ពិពាហ៍ ក្នុងសម័យអូមីក្រុង 😂🤣🙏សូមជូនពរដល់កូនទាំងពីរឲ្យមានសេចក្ដីសុខពេញមួយជីវិត “។
អ្វីដែលកាន់តែពិសេសជាងនេះទៅទៀតនោះគឺ ក្នុងពិធីគម្រប់ខួបអាពាហ៍ពិពាហ៍២២ឆ្នាំរបស់ អ្នកនាង កាឆយ ក៏មានវត្តមាន លោកជំទាវ ទ្រី ដាណា ផ្តល់កិត្តយសចូលរួមអបអរសាទរទៀតផង លើសពីនេះទៅទៀត លោកជំទាវ ថែមទាំងបានចងចំណងដៃ ដល់ តារាកំប្លែងរូបនេះ រហូតដល់៥ពាន់ដុល្លារឯណោះ៕
