ស្ងាត់ៗ តារាកំប្លែងជើងចាស់ អ្នកនាង កាឆយ ធ្វើកម្មវិធី ខួបអាពាហ៍ពិពាហ៍ ២២ ឆ្នាំ បាត់ មើលទៅពិតជា អធិអធមណាស់ ពិសេសមានតារាល្បីៗ ចូលរួមទៀត មានដូចជា…
ពុកម៉ែបងប្អូន មិនតិចនាក់ទេ ច្បាស់ជាមិនទាន់ភ្លេចទេ មើលទៅ តារាកំប្លែងជើងចាស់ អ្នកនាង កាឆយ នោះ ដែលនៅតែទទួលបាន ការគាំទ្រខ្លាំង ដដែល មកទល់ពេលនេះ ឲ្យតែមើលម្តងណា ពិតជា មិនអាចទប់សំណើចជាប់ឡើយ។
ស្រាប់តែ មកដល់ថ្ងៃទី ២០ ខែកុម្ភៈ ឆ្នាំ ២០២២ គ្រប់គ្នាភ្ញាក់ព្រឺត ក្រោយឃើញ អ្នកនាង កាឆយ បានរៀបចំកម្មវិធី ខួបអាពាហ៍ពិពាហ៍ របស់ខ្លួន ជាមួយ ស្វាមី គម្រប់ ២២ ឆ្នាំ មើលទៅ ពិតជាអធិកអធមខ្លាំងណាស់ ដោយកម្មវិធីបានរៀបចំធ្វើឡើងនៅឯ បុរីពិភពថ្មី ផ្ទះលេខ៣៣ ផ្លូវ០៩ ភូមិត្រពាំងថ្លឹង៤ សង្កាត់ចោមចៅ០១ ខណ្ឌពោធិ៍សែនជ័យ រាជធានីភ្នំពេញ។
ហើយកម្មវិធីពេលល្ងាច ក៏មានភ្ញៀវកិត្តិយស បានចូលរួមយ៉ាងច្រើនផងដែរ ប្រកបដោយក្តីសប្បាយរីករាយយ៉ាងខ្លាំង ពិសេស អ្នកនាង កាឆយ និងស្វាមី ធ្វើការតុបតែងខ្លួន ស្រស់ស្អាតខ្លាំងណាស់ ដូចកូនកំលោះ កូនក្រមុំ ទើបរៀបការថ្មីថ្មោង អ៊ីចឹង។
ក្នុងនោះ ក៏លេចវត្តមានសុទ្ធតែ តារាល្បីៗ ជាច្រើនរូប មកចូលរួមក្នុងកម្មវិធីខួបអាពាហ៍ពិពាហ៍នេះផងដែរ មានដូចជា ៖ តារាជើងចាស់ ពហុជំនាញ អ្នកនាង ខាត់ សុឃីម, ម៉ៅ ហាជី, បាន មុន្នីល័ក្ខ រួមនិងតារាល្បីៗ ជាច្រើនរូបទៀត ដែលមិនអាចរៀបរាប់អស់។
ដើម្បីជ្រាប កាន់តែច្បាស់បន្ថែមទៀត សូមមើលរូបភាពខាងក្រោមនេះ ទំាងអស់គ្នា ៖
