សូមចូលរួមរំលែកទុក្ខផង! តារាសម្តែងថៃជើងចាស់ ដ៏ល្បីឈ្មោះ លោក Setha Sirachaya បានទទួលមរណៈភាពហើយ

ថៃ៖ នៅក្នុងថ្ងៃទី​២០ ខែកុម្ភះ ឆ្នាំ២០២១ នេះ តារាសម្តែងជើងចាស់ លោក Setha Sirachaya ដែលគ្រប់គ្នាបានស្គាល់ ថា រូបលោកគឺជាតារាសិល្បករមួយរូប ដ៏ឆ្នើមម្នាក់​នៅក្នុងប្រទេសថៃ ។ តារាសម្តែងជើងចាស់រូបនេះ បានទទួលមរណៈក្នុងជន្មាយុ ៧៧ឆ្នាំ ដោយសារតែជំងឺមហារីកសួត។

បើយោងតាមការចុះផ្សាយរបស់សារព័ត៏មាន mangozero បានឲ្យដឹងថា លោក Setha Sirachaya បានទទួលមរណៈភាពកាលពីវេលាម៉ោង ០៣ៈ៤២នាទី ទៀបភ្លឺ ក្នុងជន្មាយុ ៧៧ឆ្នាំ។

ដំណឹងដ៏សោកសៅមួយនេះ បានធ្វើសិល្បករ សិល្បការិនី និងហ្វេនៗរបស់លោកជាច្រើន ពិតជាមានអារម្មណ៍ក្តុកក្តួលជាខ្លាំង ព្រមបានបង្ហោះសារចូលរួមរំលែកទុក្ខ យ៉ាងក្រៀមក្រំ ចំពោះការបាត់បង់សិល្បករដ៏ឆ្នើមដូចជារូបលោក និងសូមឲ្យវិញ្ញាណក្ខន្ធរបស់លោក ទៅកាន់សុគតិភព៕