ហួសចិត្ត បុរសម្នាក់បង្ហាញរូបភាព ក្រោយប្រកួតចប់យប់មិញ អមនិងសារថា..

ប្រិយមិត្តជ្រាបច្បាស់រួចហើយថា កាលពីយប់មិញនេះកម្ពុជា បានបើកទ្វាពហុកីឡដ្ឋានជាតិ មរតកតេជោ ទទួលក្រុមជម្រើសជាតិ ប៊្រុយណេ អាយុក្រោម ២៣ ឆ្នាំ ក្នុងការប្រកួតពានរង្វាន់ AFF U23 CHAMPIONSHIP 2022 ដែលបានបញ្ចប់ទៅយ៉ាង

រលូន ដោយកម្ពុជាបានយកឈ្នះទៅលើដៃគូប្រកួតចំនួន ៦-០ ឯណោះ។ទន្ទឹមទៅនឹងការប្រកួតដ៏រលូននេះ ស្រាប់តែនៅថ្ងៃខែឆ្នាំដដែល មានបុរសម្នាក់មានគណនីឈ្មោះ Dara Khemera បានបង្ហោះពីសកម្មភាព កកស្ទះក្រោយបញ្ចប់ការប្រកួត ព្រមទាំង

បង្ហោះនូវរូបភាពសំណល់ប្លាស្ទិកមួយចំនួន នៅត្រង់មាត់ជណ្ដើរ នៅក្នុងកីឡដ្ឋានព្រមទាំងបានបង្ហោះសារថា ៖ « AFF U23 ៖ កម្ពុជា បំបាក់ប្រ៊ុយណេ ដោយលទ្ធផល ៦-០ ដើម្បីសម្ពោធវិមានកីឡដ្ឋាន នៃពហុកីឡដ្ឋានជាតិមរតកតេជោ ប៉ុន្តែអ្នកគាំទ្រមួយចំនួនហាក់បីដូចជាមិនស្រឡាញ់បរិស្ថានកន្លែងដែលខ្លួនទៅ ទង្វើបែបនេះមិនសមរម្យសម្រាប់ក្មេងៗជំនាន់ក្រោយនោះទេ»។បន្ថែមលើសពីនេះ ម្ចាស់គណនីខាងលើបានបញ្ជាក់បន្ថែមទៀតថា ៖ «សូមបងប្អូន ចូលរួមថែរក្សាបរិស្ថានទាំងអស់គ្នា ដើម្បីលើកមុខមាត់ប្រទេសរបស់យើងផង សូមបញ្ចេញមតិយោបល់ដោយសុជីវធម៌ »៕