ស្ងាត់ៗ ប៉ាច គីមមួយ ទទួលការបំពាក់ចិញ្ជៀនពីលោក សយ រតនៈ បញ្ជាក់ពី…
តារាចម្រៀងប្រចាំផលិតកម្មហង្សមាសពីរដួង គឺលោក សយ រតនៈ និង ប៉ាច គីមមួយ នៅថ្ងៃនេះបានធ្វើឱ្យអ្នកគាំទ្រកោតសរសើរ បន្ទាប់ពីពួកគេបានទទួលស្គាល់ចំណងស្នេហាជាសាធារណៈនាពេលកន្លងមក។ ពួកគេថែមទាំងបានបំពាក់ចិញ្ចៀនបញ្ចាំចិត្តគ្នាទៅវិញទៅមក ថែមទៀតបញ្ជាក់ពីចំណងស្នេហ៍ច្បាស់លាស់។
តារាចម្រៀងរូបស្រស់ ប៉ាច គឺមមួយ ដែលធ្លាប់បែកបាក់ស្នេហាម្តងរួច មកហើយនោះក៏បានងាកមកភ្ជាប់ស្នេហ៍ជាមួយមិត្តរួមទ្រនំ ដែលជាកម្លោះសង្ហាលោក សយ រតនៈ ក្រោយពីពួកគេបានស្គាល់គ្នាប្រមាណជា ៧ឆ្នាំមក និងរិតចំណងស្នេហ៍កាន់តែខ្លាំងនៅមួយរយៈចុងក្រោយឈានដល់ធ្វើរឿងនេះ។
ពួកគេលែងច្រានចំណងស្នេហារវាងគ្នានឹងគ្នដូចមុនទៀតហើយ។ ការបញ្ជាក់នចំណងស្នេហ៍ច្បាស់លាស់នេះធ្វើឡើងក្នុងថ្ងៃនៃក្តីស្រឡាញ់ ១៤ កុម្ភៈនេះ។ តារាចម្រៀងទាំងពីរបានសម្រេចសារភាពពីរទំនាក់ទំនងរបស់ពួកគេជាចំហហើយថែមទាំងបំពាក់ចិញ្ចៀនទៅវិញទៅមកហាក់ចង់បញ្ជាក់ថាជាទំនាក់ទំនងដែលច្បាស់លាស់ឈានទៅរកការចូលរោងជ័យ ។
អ្វីដែលធ្វើឱ្យអ្នកគាំទ្រមានការរំភើបនោះគឺតារាចម្រៀង ប៉ាច គឺមមួយ កន្លងមកធ្លាប់តែមានអារម្មណ៍ស្អប់លោក សយ រតនៈ ដែលធ្លាប់តែយល់ថា លោកជាមនុស្សវាយឬក និងច្រឡោមខាមនោះបានប្រែមកជាក្តីស្រឡាញ់ពេញ បេះដូងក្រោយពីលោក សយ រតនៈ បានផ្តល់តម្លៃនិងធ្វើឱ្យនាងមានអារម្មណ៍ថា ខ្លួនជាស្ត្រីរឹងមាំ និងអស្ចារ្យ ។ ដោយឡែក លោក សយ រតនៈ បានបញ្ជាក់ថា ខ្លួនបានធ្លាក់ក្នុងអន្លង់ស្នេហ៍ ប៉ាច គឺមមួយ នោះដោយសារនាងជាមនុស្សស្រីដែលមានចិត្តត្រជាក់។
ចំណងស្នេហ៍របស់តារាចម្រៀងទាំងពីរដួងក៏ទទួលបានការសាទរ និងចូលរួមត្រេកអរពីសំណាក់មិត្តភក្តិសិល្បៈ និងអ្នកគាំទ្រហើយរំពឹងថា នឹងបានឃើញអ្នកទាំងពីរគ្រងឈុតកូនកម្លោះក្រមុំនៅក្នុងពេលឆាប់ៗ ខណៈកន្លងមកពួកគេក៏បានទិញផ្ទះរួមគ្នាផងដែរ៕ ប្រភព ៖ តារាញូស៍
