ចោរជិះសុទ្ធឡានទំនើប មកលួ.ចកាត់សោម៉ូតូអស់ ៤គ្រឿង ខណៈគូកនមួយក្រុមធ្វើសកម្មភាព…….(មានវីដេអូ)
រាជធានីភ្នំពេញ៖ វីដេអូមួយបានបង្ហាញនូវសកម្មភាពស្តែងៗរបស់ ចោរ មួយក្រុមដែលថ្លើមពាសមេឃ ហ៊ានលួ ចកាត់សោម៉ូតូលួ ចបានរហូតដល់ទៅចំនួន៤គ្រឿងឯណោះ បង្កឱ្យមានការភ្ញាក់ផ្អើលកាលពីថ្ងៃទី១ ខែកុម្ភៈ ឆ្នាំ២០២២ ដែលតាមសម្តីម្ចាស់ផ្ទះ បានឱ្យដឹងថា ចោរជិះសុទ្ធឡាន រួចទម្លាក់គូគនរបស់ខ្លួនចូលកា ច់សោលួ ចម៉ូតូបានដល់ទៅ៤គ្រឿងឯណោះ ។
អ្នកស្រី អ៊ែល មុំ ដែលជាម្ចាស់ផ្ទះបានឱ្យដឹងថា មានករណីចោរលួ ចម៉ូតូនៅផ្ទះរបស់អ្នកស្រី នាថ្ងៃទី១ ខែកុម្ភ: ឆ្នាំ ២០២២ វេលាម៉ោង២និង៤៥នាទីយប់ទៀបភ្លឺ ស្ថិតនៅក្នុងភូមិអន្លង់គងថ្មី សង្កាត់ព្រៃសរ ខណ្ឌដង្កោ រាជធានីភ្នំពេញ បណ្តាលឱ្យបាត់បង់អស់ម៉ូតូចំនួន៤គ្រឿង មានដូចជា ម៉ូតូ HONDA DREAM ពណ៌ខ្មៅ ចំនួន៣គ្រឿង )ស៊េរីឆ្នាំ 2015 ; 2021; 2016) ដែលមានស្លាកលេខ 1DH-1255, 1AL-0895, និងស្លាកលេខ 1T-6955 និង Honda BEAT ពណ៌ក្រហម ស៊េរីឆ្នាំ 2019 មួយគ្រឿងទៀត មានស្លាកលេខ 1U-4215។
អ្នកស្រីបន្តថា ក្រុម ចោរបានបើកឡានមកឈប់មុខផ្ទះរបស់អ្នកស្រី (បើតាមកាំមេរ៉ាសុវត្ថិភាព) និងបានទម្លាក់គូកនមួយក្រុមធ្វើសកម្មភាពលួ ចយកម៉ូតូអស់ចំនួន៤គ្រឿងក្នុងពេលតែមួយ ។ អ្នកស្រីបន្តថា ពេលវេលាកើតហេតុ គឺអ្នកស្រី និងក្រុមគ្រួសារ ក៏ដូចជាអ្នកជួលផ្ទះអ្នកស្រីបានដេកលង់លក់អស់ ហើយក្រុម ចោរក៏បានធ្វើសកម្មភាពកា ត់សោម៉ូតូលួ ចបានសម្រេចតែម្តង ។
អ្នកស្រី អ៊ែល មុំ បន្តថា «បើតាមកាមេរ៉ាសុវត្ថិភាព គឺវេលាម៉ោង ២និង៤៥នាទីយប់ ថ្ងៃទី១ ខែកុម្ភៈ គឺក្រុម ចោរបានជិះឡានពណ៌ខ្មៅ ហើយបានដាក់គ្នាវាចុះចំណុចមុខផ្ទះខ្ញុំ បន្ទាប់មកក៏កាត់សោរបងចូលលួ ចតែម្តង ហេតុការណ៍៍នេះបានកើតឡើងនៅភូមិអន្លង់គងថ្មី សង្កាត់ព្រៃសរ ខណ្ឌដង្កោ រាជធានីភ្នំពេញ ដូច្នេះសូមបងៗសមត្ថកិច្ច អាជ្ញាធរគ្រប់ជាន់ថ្នាក់ជួយស្រាវជ្រាវរកជ នល្មើ ស ផង ប្រជាជនបានការពារគ្រប់យ៉ាងហើយ មានទាំងរបង មានទាំងចា ក់សោ ប៉ុន្តែនៅតែការពារមិនបានដដែល» ។
អ្នកស្រីបានបន្តថា ស្វាមីរបស់អ្នកស្រី ឈ្មោះ ថៅ យឿន បានដាក់បណ្តឹងជាមួយសមត្ថកិច្ចប៉ូលិសប៉ុស្តិ៍រដ្ឋបាលតាំងពីយប់ថ្ងៃកើតហេតុ ដូច្នេះគាត់សង្ឃឹមថា សមត្ថកិច្ចអាចស្រាវជ្រាវរហូតឈានដល់ការចា ប់ខ្លួន ចោរ ថ្លើមធំខាងលើនេះផងដែរ ។
អ្នកស្រីក៏បានអំពាវនាវទៀតថា បើបងប្អូនណាបានឃើញម៉ូតូដែលមានស្លាកលេខដូចដែលនាងខ្ញុំបានបង្ហោះនេះ សូមជួយរាយការណ៍ប្រាប់សម្ថកិច្ចផង ឬក៏អាចទាក់ទងមកនាងខ្ញុំតាមលេខទូរស័ព្ទ 093 722289 ; 011 476 755 សូមអរគុណ ។
