ចេះតែឆ្ងល់មិចបានលក់មិនសល់លុយសោះតាមពិតសម្ងំលេងបៀរក្នុងតូបនៅផ្សារ មានអីបានឡើងឡានសារ៉ែនបណ្ដោយ
ស្នងការដ្ឋាននគរបាលរាជធានីភ្នំពេញ បានបញ្ជាក់ឱ្យបានដឹងថា នាវេលាម៉ោង ១៥:១០ នាទីរសៀល ថ្ងៃទី ០៩ ខែកុម្ភៈ ឆ្នាំ ២០២២ កម្លាំងអធិការដ្ឋាន នគរបាលខណ្ឌដូនពេញ បានសហការជាមួយកម្លាំងគណៈបញ្ជាការឯកភាពខណ្ឌដូនពេញ និងគណៈកម្មាការផ្សារចាស់ បានបើកកិច្ចប្រតិបត្តិការបង្ក្រាបល្បែងស៊ីសងក្នុងតំបន់ផ្សារចាស់។
ក្នុងកិច្ចប្រតិបត្តិការនោះ សមត្ថកិច្ច បានបង្ក្រាបល្បែងស៊ីសង ប្រភេទលេងបៀរ នៅចំណុចតូបលេខ ៥២៤ , ៥២៥, ៧៣, ៥០២ និងធ្វើការឃាត់ខ្លួនមនុស្ស ចំនួន ០៩ នាក់ ព្រមទាំងដកហូតវត្ថុតាងជាក់ស្ដែង គឺបៀរចំនួន ១៧ ហ៊ូ។
ក្រោយធ្វើការឃាត់ខ្លួន សមត្ថកិច្ចបានបញ្ជូនអ្នកទាំង ០៩ នាក់ ឡើងឡានសារ៉ែន ដើម្បីបញ្ជូនទៅឱ្យកម្លាំងជំនាញធ្វើការសាកសួរចម្លើយ ដើម្បីចាត់ការបន្តតាមនីតិវិធីច្បាប់៕
