នុះមិនរួចខ្លួនទេ រដ្ឋមន្ត្រីក្រសួងព័ត៌មាន ប្រតិកម្មខ្លាំងៗ លើអ្នកសម្តែងពិធីកាត់សក់សព្វថ្ងៃ(មានវិដេអូ)
មានការភ្ញាក់ផ្អើល មិនតិចទេ បន្ទាប់ពីហ្វេសប៊ុកមួយ របស់លោក សាម៉ន បណ្ឌិត្យ ដែលជារដ្ឋលេខាធិកា រក្រសួងព័ត៌មាន និងជាអតីតអ្នក រៀបចំកម្មវិធីប្រគំតន្ត្រីសប្បុរសធម៌ ល្បីឈ្មោះម្នាក់ បានសរសេរពាក់ព័ន្ធ នឹងភាពមិនប្រក្រតី នៅក្នុងពិធីមង្គលការសព្វថ្ងៃ ដែលឯកឧត្តមចាត់ទុកថា គឺជាការអនុវត្តន៍ខុស ពីទម្រង់ដើមនៃវប្បធម៌ដូនតា។
លោក សាម៉ន បណ្ឌិត្យ បានប្រើហ្វេសប៊ុកឈ្មោះ យុវជនជនបទ ហើយបាន បង្ហោះថា “តើអ្វីទៅដែលជា ប្រពៃណីខ្មែរ វប្បធម៌ខ្មែរ សីលធម៌សង្គម សុជីវធម៌សង្គម ដែលដូនតាយើងបាន បន្សល់ទុកជាយូរយារណាស់ មកហើយនោះ?។
ជារឿយៗនៅលើបណ្តាញសង្គមfackbookឬVideo youtube គឺតែងតែឃើញការ បង្ហោះនូវវីដេអូក្នុងពិធីកាត់ សក់នានា ក្នុងមង្គលការកូនប្រុស-ស្រីនីមួយៗ ស្ទើរគ្រប់ទីកន្លែង ហើយមានវីដេអូជា ច្រើនដែលបង្ហាញពីពិធីកាត់សក់ ដែលបងប្អូនយើងខ្លះពុំសូវចាប់អារម្មណ៍។
ដូចក្នុងរូបភាពនេះ វាជ្រុលណាស់ទៅ ហើយដែលសកម្មភាពក្នុងវីដេអូបានផ្សព្វផ្សាយ ដែលធ្វើអោយប៉ះពាល់ដល់ វប្បធម៌ ប្រពៃណីខ្មែររបស់យើង។ និយាយតាមត្រង់ទៅពិធីកាត់សក់ក្នុងពេលបច្ចុប្បន្នហាក់ បីដូចជាលេងសើចពេកហើយ ពេលខ្លះការប្រើពាក្យសម្តីក្នុង ពិធីកា ត់ស ក់ មិនសមទៅនឹង ពិធីសិរីសួស្តីជ័យមង្គលកូនប្រុសស្រីនោះឡើយ រួមទាំងកាយវិការកំប្លុកកំប្លែងជ្រុលពេក មិនតែប៉ុណ្ណោះ សូម្បីតែអ្នកមិនមានចំណេះជំនាញខាងពិធីកាត់សក់ ក៏ចេះតែយកទៅលេងសើច ដោយប្រើកាយវិការខ្លះ និងពាក្យសម្តីមិនសមរម្យផងដែរ។
លោក សាម៉ន បណ្ឌិត្យ បានបន្តថា លោកជឿថា បងប្អូនខ្មែរយើងយល់ច្បាស់ណាស់ ពីប្រពៃណីខ្មែរដ៏ល្អតាំងពីបុរាណកាលហើយសុទ្ធតែត្រូវបានអនុវត្តន៍ដោយភ្ជាប់ភ្ជួរតាមច្បាប់ក្បួនត្រឹមត្រូវទៅ តាមកម្មវិធីនីមួយៗហើយរក្សាបាននូវវប្បធម៌ និងប្រពៃណីបានយ៉ាងល្អ ដូច្នេះសូមបងប្អូនខ្មែរយើងទាំងអស់គ្នាមេត្តា ជាពិសេសបងប្អូនដែលមានកូនចៅរៀបចំមង្គលការ
គួរតែមេត្តាពិនិត្យនិងណែនាំដល់ក្រុមអ្នកកាត់សក់ កុំអោយរៀបចំក្នុងពិធីកាត់ សក់ជ្រុលហួសហេតុនាំអោយ មហាជនមានការរិះគន់តាមបណ្តាញសង្គម។ ម្យ៉ាងទៀតដូចជាធ្វើអោយប៉ពាល់ ឬបាត់បង់ អត្តសញ្ញាណវប្បធម៌ ប្រពៃណីខ្មែរ របស់យើងដ៏ល្អផូផង់នេះហើយស្រប ជាមួយគ្នានេះ លោកជឿជាក់ថា ថ្នាក់ដឹកនាំ ក្រសួងវប្បធម៌ និងវិចិត្រសិល្ប: រួមទាំងក្រសួងធម្មការ និងសាសនាពិតជាធ្លាប់បានឃើញ រាល់រូបភាពវីដេអូទាំងនេះ នៅលើបណ្តាញសង្គមfackbookរួចមកហើយដែរ។
លោកបន្ថែមថា សូមបងប្អូនមេត្តាចូលរួមគោរព អនុវត្តន៍និងថែរក្សាវប្បធម៌ប្រពៃណី របស់យើងអោយគង់វង់ តាមលទ្ធភាពដែលអាចធ្វើទៅបានទុកជូន អ្នកជំនាន់ក្រោយ បានស្គាល់និងថែរក្សាបន្តផង។ ការលើកឡើងមួយនេះ ឃើញមានការ គាំទ្រខ្លាំង ដោយសារតែភាគច្រើន នៃពិធីកាត់សក់នាពេលបច្ចុប្បន្ន ហាក់មិនសូវ ផ្ដោតរឿង សិរីសួស្ដីនិងក្បួនខ្នាត ដូចមុន តែផ្ដោតរឿងកំប្លុកកំប្លែងច្រើនជាង៕
