ខួប១ឆ្នាំនៃរដ្ឋប្រហារមីយ៉ាន់ម៉ា គ្រប់គ្រងប្រទេសដោយរបបយោធា
មីយ៉ាន់ម៉ា ៖ ចាប់តាំងពីយោធាដណ្តើមបានការគ្រប់គ្រងប្រទេសមីយ៉ាន់ម៉ា ថ្ងៃទី១ខែកុម្ភៈឆ្នាំ២០២២នេះ គឺជាខួបឆ្នាំមួយ។ ពួកគេបានឃុំខ្លួនមេដឹកនាំជាប់ឆ្នោតលោកស្រី Aung San Suu Kyi និងសមាជិកជាន់ខ្ពស់នៃរដ្ឋាភិបាលរបស់លោកស្រី មុនពេលប្រកាសរដ្ឋប្រហារ។
ប្រកាសរដ្ឋប្រហារ បានជំរុញឲ្យមានកំហឹងពុះកញ្ជ្រោលនៅក្នុងប្រទេសមួយ ដែលបាននិងកំពុងធ្វើធ្វើការផ្លាស់ប្តូរបន្តិចម្តងៗ ឆ្ពោះទៅរកលទ្ធិប្រជាធិបតេយ្យ។ ការតវ៉ាបានកើតឡើងក្នុងរយៈពេលប៉ុន្មានថ្ងៃបន្ទាប់ រួមជាមួយនឹងចលនាមិនស្តាប់បង្គាប់ទ្រង់ទ្រាយធំ។
យោធាបានឆ្លើយតបដោយកម្លាំង ហើយមនុស្សជិត១,៥០០នាក់ ត្រូវបានសម្លាប់នៅក្នុងការបង្រ្កាប។
ដោយមានការខកចិត្តនឹងភាពមិនរីកចម្រើន មនុស្សមួយចំនួនបានកាន់អាវុធ ហើយរដ្ឋាភិបាលរួបរួមជាតិដែលបង្កើតឡើងដោយសមាជិកសភាជាប់ឆ្នោត និងក្រុមគាំទ្រលទ្ធិប្រជាធិបតេយ្យ បានបង្កើតកងកម្លាំងការពារប្រជាជន។
មួយឆ្នាំចាប់តាំងពីរដ្ឋប្រហារ និងដោយមានសញ្ញាតិចតួចនៃការឯកភាពជាអន្តរជាតិដើម្បីស្ដាររដ្ឋាភិបាលស៊ីវិលឡើងវិញនោះ ស្ថានភាពមើលទៅកាន់តែមានភាពមិនច្បាស់លាស់៕
