អុីយ៉ា!! ទើបបបួល កុសុម៉ា បង្កាត់ភ្លើងស្នេហ៍ ឥឡូវ ឆន សុវណ្ណារាជ បង្អួតរូបថតគូឡើងស្អិតបេះមិនចេញ
ពិតណាស់ថ្មីៗនេះ ពិធីការិនី សុភ័ក្រ្ត កុសុម៉ា ពិតជាធ្វើឱ្យអ្នកគាំទ្រហាក់ភ្ញាក់ផ្អើលជាខ្លាំង ដោយសុខៗស្រាប់តែកញ្ញាប្រកាសបើកបេះដូងចង់មានស្នេហា ព្រោះថាកន្លងទៅមិនដែលឃើញនាងគិតគូរ ឬ ខ្វល់ខ្វាយរឿងស្នេហាឡើយ។
ប៉ុន្តែអ្វីដែលកាន់តែពិសេស និងធ្វើឱ្យអ្នកគាំទ្រកាន់តែភ្ញាក់ផ្អើលទៀតនោះ ក្រោយពីបានឃើញពិធីការិនីរូបនេះ បង្ហោះសារបើកបេះដូងបែបនេះភ្លាម ស្រាប់តែបានឃើញ តារាចម្រៀងប្រុស ឆន សុវណ្ណារាជ ក៏បានចូលខមមិនសួរត្រង់ៗសុំស្រឡាញ់ទៅកាន់នាងបែបនេះថា «យើងពីរនាក់ស្រលាញ់គ្នាបានទេ?»។
ដោយឃើញដូចនេះ អ្នកគាំទ្រជាច្រើន ហាក់រំភើបចិត្តជំនួសអ្នកទាំងពីរ ព្រមទាំងចាប់ផ្ដើមនាំគ្នាបង្អាប់ផ្គូរផ្គង់ឱ្យអ្នកទាំងពីរស្រឡាញ់គ្នាពិតមែន។
ដោយឡែកថ្មីៗនេះ ស្របពេលដែលអ្នកគាំទ្រកំពុងតែផ្ទុះការចាប់អារម្មណ៍រឿង លោក ឆន សុវណ្ណារាជ សុំសាងស្នេហ៍ជាមួយនឹងពិធីការិនីរូបនេះ មិនទាន់ស្ងាត់ផង ស្រាប់តែ លោកបានបញ្ចេញរូបភាពកៀកកើយយ៉ាងផ្អែមល្ហែមជាមួយគ្នាថែមទៀត កាន់តែធ្វើឱ្យអ្នកគាំទ្រហាក់រំភើបចិត្តខ្លាំងឡើង រហូតនាំគ្នាពោលពាក្យសរសើរអ្នកទាំងពីរសមគ្នា និង ជូនពរឱ្យអ្នកទាំងពីរក្លាយជាគូស្នេហ៍នឹងគ្នាពិតមែនទៀតផង៕
