ទីបំផុត Mik វិលចូលសិល្បៈវិញ ក្រោយពេលហ្វឹកហាត់ទាហាន អស់រយៈពេលជិតកន្លះឆ្នាំ

ថៃ៖ តារាសម្តែងថៃដ៏មានប្រជាប្រិយភាព លោក Mik Thongraya បានផ្អាកពីសិល្បៈមួយរយៈ ដើម្បីចូលហ្វឹកហាត់ទាហានជើងអាកាស កាលពីថ្ងៃទី០១ ខែវិច្ឆិកា ឆ្នាំ ២០១៨កន្លងមកនេះ។

ជាក់ស្ដែង នាប៉ុន្មានថ្ងៃមុននេះដែរ តារាប្រុសរូបនេះ ក៏បានបញ្ចប់បេសកម្មមួយនេះ ដោយជោគជ័យហើយ ដោយពេលនេះ រូបលោក ក៏បានត្រៀមឈានជើងចូលមកវិថីសិល្បៈវិញផងដែរ។

យ៉ាងណាមិញ សម្រាប់កាលពីថ្ងៃម្សិលមិញនេះដែរ លោក Mik Thongraya បានគោរព និងបង្ហាញការរាក់ទាក់ដាក់អ្នកគាំទ្ររបស់ខ្លួន ដោយបានបង្ហោះជាសារ បង្ហាញពីក្ដីនឹករលឹក និងជាពិសេសលោក បានសន្យាជាមួយនឹងអ្នកគាំទ្រ នឹងត្រៀមស្នាដៃថ្មីៗ សម្រាប់បណ្ដាហ្វេនៗរបស់លោកមិនឲ្យខកបំណងឡើយ។

ទោះជាយ៉ាងណាក្តី ទាំងនេះពិតជាធ្វើឲ្យអ្នកគាំទ្ររំភើបចិត្តមែនទែន ព្រោះថានៅពេលឆាប់ៗខាងមុននេះ ពួកគេនឹងបានទស្សនារឿងថ្មីៗ ក៏ដូចជាសកម្មភាពផ្សេងៗរបស់លោក Mik Thongraya ក្នុងការងារសិល្បៈ ដែលនឹងកើតមានក្នុងពេលឆាប់ៗខាងមុខនេះ៕