ស្រណោះណាស់! នេះជាសារចុងក្រោយ នាង ប្រាក់សុគន្ធ បង្ហោះ មុនពេលបាត់បង់ជីវិត
បើនិយាយដល់ឈ្មោះ នាង ប្រាក់សុគន្ធ មហាជនមួយចំនួនប្រាកដជាស្គាល់លោក តាមរយៈកម្មវិធី Cambodian Idol រដូវកាលទី២ និងជាបងប្រុសបង្កើតតារាចម្រៀងសាន់ដេកញ្ញា នាង
គន្ធា។អ្វីដែលស្លុតចិត្តបំផុត យោងតាមគណនី តារាចម្រៀង នាង គន្ធា ដែលត្រូវជាប្អូនស្រីបង្កើតរបស់លោក បានបង្ហោះសារមួយ នាព្រឹកថ្ងៃទី ២៥ ខែធ្នូ ឆ្នាំ២០២១ នេះ ដោយបញ្ជាក់ថា បងប្រុសរបស់នាង
បានមរណភាពហើយ ដោយសារមូលហេតុឡានបុក កាលពីយប់មិញ។យ៉ាងណាមិញ បើក្រឡេកទៅមើលគណនីហ្វេសប៊ុកផ្ទាល់របស់តារាចម្រៀង នាង ប្រាក់សុគន្ធ ឃើញថា មុនពេលបាត់បង់ជីវិត
លោកបានបង្ហោះសារមួយ រៀបរាប់ថា៖ «ទោះបីជាកើតទុក្ខ តែក៏ត្រូវសេីចខ្លះដែរ»។ មហាជន ក៏ដូចជាអ្នកគាំទ្រជាច្រើន បានសម្ដែងក្ដីស្រណោះ សោកសៅបំផុត ក្រោយឃើញសារចុងក្រោយរបស់លោក
ដែលអមជាមួយរូបភាព ពោរពេញដោយស្នាមញញឹម និង បង្កប់នូវក្ដីសង្ឃឹម តែបែរជាត្រូវបាត់បង់ជីវិតទាំងវ័យក្មេងបែបនេះទៅវិញ។បន្ទាប់ពីទទួលបានដំណឹងដ៏សោកសៅនេះ
មានបណ្ដាមហាជន អ្នកគាំទ្រជាច្រើន បានសម្ដែងក្ដីស្រណោះ និង តក់ស្លុត រកអ្វីប្រៀបផ្ទឹមពុំបាន ចំពោះការបាត់បង់តារាចម្រៀងវ័យក្មេង ដែលពោរពេញដោយទេពកោសល្យសិល្បៈដូចជារូបលោក៕
