នេះជាទិដ្ឋភាពខួបកំណើត ប៊ីរីយ៉ា យប់មិញ ពោរពេញទៅដោយ ភាពសប្បាយរីករាយ!

ភ្នំពេញ៖ អាចនិយាយបានថាតារាសម្ដែងស្រីដ៏មានប្រជាប្រិយភាព លើខ្សែភាពយន្ត និងបទចម្រៀងនោះគឺ អ្នកនាង ប៊ីរីយ៉ា ទទួលបានការគាំទ្រខ្លាំងមែនទែន ពីសំណាក់មិត្តៗយុវវ័យនាពេលកន្លងមក ។

បើទោះបីជាពេលបច្ចុប្បន្ននេះ តារាសម្ដែងស្រីរូបនេះពុំសូវជាចេញមុខលើវិថីសិល្បៈ ក៏ដោយតែអ្នកនាង ប៊ីរីយ៉ា ត្រូវបាននឹករលឹកពីសមត្ថភាពសម្ដែងរបស់ នាង យ៉ាងច្រើនពីទស្សនិកជនដដែល។

ជាក់ស្ដែង កាលពីយប់មិញនេះបើគណនីហ្វេសប៊ុកផ្លូវការរបស់ អ្នកនាង ប៊ីរីយ៉ា បានបង្ហោះរូបភាពជាច្រើនពីទិដ្ឋភាពក្នុងកម្មវិធីខួបកំណើតរបស់ខ្លួន ទទួលបានការចាប់អារម្មណ៍ខ្លាំងពីសំណាក់បណ្ដាហ្វេនៗ ។ ក្នុងនោះផងដែរ គេសង្កេតមានវត្តមានតារាៗ ក៏ដូចជាមិត្តភក្តិិជាច្រើន បានចូលរួមក្នុងរាត្រីនោះជាច្រើនដួងផងដែរ ធ្វើឲ្យកម្មវិធីនេះរឹតតែអធិកអធមថែមមួយកម្រិតទៀត។

តែអ្វីដែលទទួលបានការចាប់អារម្មណ៍ ខ្លាំងជាងនេះទៅនោះគឺ អ្នកនាង ប៊ីរីយ៉ា ទទួលបានការSurprise នំខួបកំណើតជាប់ៗគ្នាមិនតិចជាង ១០នោះទេ៕