ផលិតកម្ម Marvel Studios ក្រោយពីចេញ Trailer រឿង «Avengers: Endgame» បានហាមឃាត់មិនឲ្យមហាជន និយាយពីសាច់រឿង ក្រោយចូលទស្សនាភាពយន្តនេះ! (Video inside)
(បរទេស)៖ មហាជនបានដឹងរួចមកហើយថា រយៈពេលប៉ុន្មានថ្ងៃមុនបញ្ជាំង រឿង «Avengers: Endgame» កំពុងតែមានភាពល្បីរន្ទឺ លើសកលលោក មិនថានៅតាមអឺរ៉ុប ឬ តំបន់អាស៊ាន នោះទេ សុទ្ធសឹងតែគាំទ្រ ខ្សែភាពយន្តបែបវិទ្យាសាស្រ្តមួយនេះ ហើយមហាជនជាច្រើន នាក់ បាននាំគ្នា ឈរតម្រង់ជួរ ចាំទិញ ក៏ដូចជាកក់សំបុត្រ ដើម្បីចូលទស្សនាពីសាច់រឿងដ៏គួរឲ្យចាប់អារម្មណ៍មួយនេះ។ ជាមួយគ្នានេះផងដែរ ក្នុងនាមជាអ្នកផលិតខ្សែភាពយន្តលំដាប់អន្ដរជាតិ ផលិតកម្ម Marvel Studios ក៏បានចេញTrailer ខ្លីមួយ ដោយស្នើសុំ ក៏ដូចជាហាមឃាត់ មិនឲ្យមហាជន និយាយពីសាច់រឿង «Avengers: Endgame» នោះទេ ក្រោយចូលទស្សនានៅរោងកុន។
ការធ្វើបែបនេះ គឺក្នុងគោលបំណង ដើម្បីឲ្យមហាជនដែលជាអ្នកគាំទ្ររឿង Avengers និង មហាជនដែលកំពុងតែទន្ទឹងរង់ចាំតាមដានរឿងមួយនេះ មានភាពអន្ទះសារចង់ទស្សនាផ្ទាល់ និង ចង់ឲ្យពួកគេ កាន់តែជក់ចិត្ត ជាមួយនឹងទស្សនិយភាព ឈុតឆាកនិមួយៗ ដែលមហាជន មិនអាចទាយទុកមុន។
សូមជម្រាបថា រឿង «Avengers: Endgame» អាចកើបទឹកប្រាក់ បានរហូតដល់ទៅ ១,២ ពាន់លានដុល្លារសហរដ្ឋអាមេរិក ពីទីផ្សារ លើសកលលោក ក្នុងឱកាស ចាក់បញ្ចាំងអំឡុងពេលចុងសប្ដាហ៍ដំបូង ដែលតួលេខនេះ មានរយៈពេលតែ៥ ថ្ងៃប៉ុណ្ណោះ។ ហើយខ្សែភាពយន្តមួយនេះ គឺជាភាពយន្តទី ២២ ដែលជាសែស្រឡាយខ្សែភាពយន្ត Marvel ដែលចាប់ផ្ដើមតាំងពី ១១ ឆ្នាំមុន ជាមួយខ្សែភាពយន្ត Iron Man និងបន្តរហូតដល់ខ្សែភាពយន្ត Avengers: Endgame នេះ៕
