ពិធីករល្បីឈ្មោះ VJ តាប៊ុយ បេីករថយន្ត បុករថយន្តព្រូសពីក្រោយហេីយបើករត់គេច ត្រូវចាប់ឃាត់បាន!
( ភ្នំពេញ ) ៖ បុរសម្នាក់ដោយគេស្គាល់ថាជា ពីធីករល្បីឈ្មោះ តាប៊ុយ បេីករថយន្តសេរីទំនេីបម៉ាក Range Rover ១គ្រឿង ពណ៍ស ពាក់ស្លាកលេខភ្នំពេញ2BK-8809 ជ្រុលទៅបុករថយន្តព្រូស ពីក្រោយពេញទំហឹង ហេតុការណ៍នេះបានកេីតឡេីង នាវេលាម៉ោង១រំលងអាធ្រាត្រឈានចូលថ្ងៃទី១៤ ខែធ្នូ ឆ្នាំ២០២១ ស្ថិតនៅតាមបណ្តោយមហាវិថីសហព័ន្ធរស្សុី នៅក្នុងសង្កាត់ស្រះចក ខណ្ឌដូនពេញ រាជធានីភ្នំពេញ ។
បេីតាមប្រភពពីប្រជាពលរដ្ឋបានប្រាប់ភ្នាក់ងារ សារព័ត៌មាន ឱ្យដឹងថាមុនពេលកេីតហេតុ ឃេីញមានរថយន្តម៉ាកព្រូសពណ៌ស ពាក់ស្លាកលេខ ភ្នំពេញ 2AH- 7048 បើករថយន្ត មកឈប់ស្តុប ស្រាប់តែពេលនោះក៏មានរថយន្ត Range Rover ពណ៌ស ពាក់ស្លាកលេខ ភ្នំពេញ 2BK- 8809 ទំនើបមួយគ្រឿង បើកបរដោយបុរសម្នាក់ដែលគេស្គាល់ឈ្មោះ ថា តាប៊ុយ ដែលជាពិធីករល្បីឈ្មោះមួយរូប បានបើក រថយន្តមកបុកគូទរថយន្តព្រូសខាងលេីនោះ មួយទំហឹង បណ្ដាលឲ្យខូចខាត ផ្នែកខាងក្រោយ
ហើយពេលនោះម្ចាស់រថយន្តព្រូសក៏បានចុះ មកនិយាយដេីម្បីសម្រួលគ្នា ស្រាប់តែបុរសដែលគេស្គាល់ឈ្មោះតាប៊ុយ នោះក៏បានបើករថយន្ត គេចចេញពីកន្លែងកើតហេតុ ហើយក៏រថយន្តព្រូសបើកដេញតាមរហូតមកដល់ចំណុចផ្លូវសហព័ន្ធរុស្ស៊ី ក៏ឃាត់បានតែម្តង ។
ក្រោយកើតហេតុភាគីទាំងសងខាងសម្រួលគ្នាដេីម្បីបញ្ចប់រឿងនៅទីតាំងកេីតហតុ។
