John Cena ក្លាយជាតួអង្គថ្មី ក្នុងរឿង Fast & Furious 9 ជំនួស The Rock
ខ្សែភាពយន្ត Fast & Furious វគ្គថ្មីដែលចេញផ្សាយនៅឆ្នាំក្រោយនេះ នឹងមានការបង្ហាញមុខតួអង្គថ្មី នោះគឺ John Cena ដែលជាតារាកីឡាកាស WWE ដ៏ល្បីឈ្មោះមួយរូប។ ដំណឹងមួយនេះត្រូវបានបង្ហើបឲ្យដឹងពី Vin Diesel ផ្ទាល់តែម្ដង។
ការបង្ហើបពីតួអង្គថ្មី គឺមុនប៉ុន្មានខែនៃការចាក់បញ្ចាំងខ្សែភាពយន្ត “Hobbs & Shaw” ដែលជាភាពយន្តសែស្រឡាយដំបូងរបស់ Fast & Furious ដើរតួដោយ The Rock និង Jason Statham។ គួរដឹងថារវាង Vin Diesel និង The Rock គឺកើតមានពាក្យចចាមអារ៉ាមថាពួកគេទាំងពីរមានជម្លោះនឹងគ្នា។ ហើយតាមរយៈការប្រកាសពីតួអង្គថ្មីនេះ ធ្វើឲ្យគេជឿជាក់ថា The Rock នឹងមិនបង្ហាញមុខក្នុង Fast & Furious 9 នោះឡើយ។
