Ajax សង្ឃឹមឡើងវគ្គ Final កាន់តែច្រើន ក្រោយឈ្នះ Spur ១-០ ដល់ក្នុងផ្ទះ (មានវីដេអូ)

អង់គ្លេស៖ គ្រាប់បាល់ជ័យជម្នះមួយគ្រាប់របស់ Donny van de Beek នៅទឹកដីរបស់ Spur បានផ្តល់នូវក្តីសង្ឃឹមយ៉ាងខ្លាំងសម្រាប់ក្រុម Ajax ក្នុងការឈានទៅកាន់វគ្គផ្តាច់ព្រ័ត្រ UEFA Champions League សាជាថ្មីម្តងទៀត ក្រោយខកខានឡើងទៅកាន់វគ្គនេះតាំងពីឆ្នាំ ១៩៩៦ ដែលកាលនោះ Ajax បានត្រឹមជើងឯករង ក្រោយចាញ់ក្រុម Juventus របស់អ៊ីតាលី។ ត្រឡប់មកវិញ ក្រោយពីទម្លាក់ក្រុម Real Madrid និង Juventus ហើយនោះ Ajax ត្រូវបានគេចាត់ទុកថាជាបេក្ខភាពខ្លាំងមួយដែលអាចឈានដល់វគ្គផ្តាច់ព្រ័ត្រ Champions League នារដូវកាលនេះ។ សូមជម្រាបថា គ្រាប់បាល់មួយគ្រាប់របស់ Ajax ធ្វើបានសម្រេចដោយកីឡាករ Van de Beek នៅនាទីទី១៥។

ក្នុងការប្រកួតនេះដែរ Spur បានអវត្តមានកីឡាករសំខាន់ៗជាច្រើនរូបដូចជា Harry Kane , Heung Min-Son ជាដើម ហើយអ្វីដែលកាន់តែធ្ងន់ធ្ងរជាងនេះទៅទៀតគឺ កីឡាករ Vertonghen ក៏ជួបបញ្ហារបួសធ្ងន់ធ្ងរផងដែរកាលពីយប់មិញនេះ។ Jan Vertonghen ប្តូរចេញនៅនាទីទី ៣៩ ក្រោយពីការប៉ះទង្គិចក្បាលធ្ងន់ធ្ងរ រហូតដល់បណ្តាឱ្យរកកល់ក្អូត និងគ្រប់គ្រងខ្លួនឯងលែងបានតែម្តង។

Tottenham Hotspur នឹងត្រូវធ្វើដំណើរទៅកាន់ទឹកដីហូឡង់វិញម្តងនៅសប្តាហ៍ក្រោយ សម្រាប់ការប្រកួតជើងទី២ ទល់នឹង Ajax នាកីឡដ្ឋាន Johan Cruijff Arena៕