មិនបង្អង់យូរ ក្រោយពេលទទួលគ្រឿងឥស្សរិយយសនេះភ្លាម មាស សុខសោភា ថ្លែងសារមួយនេះតែម្ដង
ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សក្រនៃព្រះរាជាណាចក្រកម្ពុជា កាលពីចុងខែឆ្នាំ២០១៧ បានឡាយព្រះហស្ថលេខាលើព្រះរាជក្រឹត្យ ប្រោសព្រះរាជទាទ នូវគ្រឿងឥស្សរិយយស មុនីសារាភ័ណ្ឌ ថ្នាក់ មហាសេរីវឌ្ឍន៍ ដល់កញ្ញា មាស សុខសោភា និង គ្រឿងឥស្សរិយយសមុនីសារាភ័ណ្ឌ ថ្នាក់ មហាសេនា ដល់ កញ្ញា ញឹម ចាន់ថន និង កញ្ញា ឃីន ស្រីនាថ។
ក្នុងនោះដែរនៅថ្ងៃទី ០៩ ខែធ្នូ ឆ្នាំ២០២១នេះ តារាចម្រៀងមាស សុខសោភា បានប ង្ហោះសារមួយដោយរៀបរាប់ទាំងស្រុងថា៖ «ខ្ញុំម្ចាស់ជាខ្ញុំ មានសេចក្តីរំភើបរីករាយឥតឧបមា ក្នុងនាម ខ្ញុំម្ចាស់ជាសិល្បករចម្រៀងមួយរូប ដែលមានភ័ព្វវាសនាបានទទួលគ្រឿងឥស្សរយស មុនីសារាភ័ណ្ឌ ថ្នាក់មហាសេរីវឌ្ឍន៍ ពីព្រះករុណា ព្រះបាទសម្តេចព្រះបរមនាថ នរោត្តម សីហមុនី ជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលត្រូវបានព្រះប្រថាប់ព្រះរាជលញ្ឆករ នៅថ្ងៃទី ១២ ខែ ធ្នូ ឆ្នាំ២០១៧
ក្នុងពេលនេះ ខ្ញុំម្ចាស់ជាខ្ញុំ សូមព្រះបរមរាជានុញ្ញាតក្រាបថ្វាយព្រះពរសព្វសាធុការ ថ្វាយព្រះករុណាជាអម្ចាស់ជីវិតលើត្បូង សូមបួងសួងព្រះបារមីទេវតាថែរក្សាភពផែនដី ទេវតាថែរក្សាព្រះមហាស្វេតច្ឆ័ត្រ ព្រះមេត្តាប្រោសព្រះសព្វសាធុការជ័យ សិរីសួស្តី វិបុលសុខ បរវមហាប្រសើរព្រះរាជសុខភាពល្អបរិបូរណ៍ ព្រះរាជបញ្ញាញាណភ្លឺថ្លា ព្រះជន្មាយុយឺនយូរជាងរយព្រះវស្សា ស្តេចគង់ប្រថាប់ជាម្លប់ដ៏ត្រជាក់នៃប្រជារាស្រ្តទាំងឡាយនៃព្រះនគរ។
ដោយក្តីគោរពដ៏ខ្ពង់ខ្ពស់ នាងខ្ញុំក៏សូមគោរព អរគុណដល់សម្តេច អគ្គមហាសេនាបតីតេជោ ហ៊ុន សែន ដែលសម្តេច យកចិត្តទុកដាក់ចំពោះសិល្បៈករ និងក្រាបបង្គំទូលថ្វាយដល់ព្រះករុណា ព្រះបាទសម្តេចព្រះបរមនាថ នរោត្តម សីហមុនី ជាអម្ចាស់ជីវិតលើត្បូងអំពីនាងខ្ញុំ។
