តារាខ្មែរកញ្ញា ស៊ីន យូប៊ីន សម្តែងជាតួឯកស្រី ក្នុងខ្សែភាពយន្តខ្នាតធំរបស់នៅប្រទេស ថៃ
តារាសម្តែងស្រីរូបស្រស់គឺ កញ្ញា សុីន យូប៊ីន ដែលទស្សនិកជននិងប្រិមិត្តសង្កេតឃើញថា មានអ្នកគាំទ្រខ្លាំងទាំងក្នុងស្រុកនិង ក្រៅស្រុកទៀតផង ។ ថ្មីៗនេះមានដំណឹងមួយ គឺជារឿងដ៏មានមោទនភាពចំពោះសិល្បករខ្មែរ ដោយនាងត្រូវបាន ផលិតករថៃ ជ្រើសរើសឱ្យសម្តែងជាតួឯក ក្នុងខ្សែភាពយន្តខ្នាតធំមួយដែលមានចំណងជើងថា«The Protect» ឫ «Bodyguard» ។ អ្វីដែលពិសេសជាងនេះទៅទៀត ក្នុងខ្សែភាពយន្តនោះ នឹងមានបញ្ចូលភាសាខ្មែរ និងថៃរួមគ្នា ទៀតផង ។
ក្នុងនោះខ្សែភាពយន្តខ្នាតធំខាងលើ ជាភាពយន្តយួយកម្រិតអន្តរជាតិ ដោយរួមសម្តែងដោយ តារាខ្មែរ សុីន យូប៊ីន រួមជាមួយតារាថៃលោក Mum Jokmok និងលោក P’Dim Tatto Colour Petchtai Wongkamlao ព្រមទាំងសិល្បករ-សិល្បការិនីថៃ ជាច្រើនទៀត ។
កញ្ញា សុីន យូប៊ីន បានបន្តថា នាងពិតជាមានអារម្មណ៏សប្បាយរីករាយជាខ្លាំង ដែលនាងមានឱកាសចូលរួមសម្តែងក្នុងរឿងខ្នាតធំនៅក្រៅប្រទេស ថែមទាំងទទួលបានតំណែងជាតួឯកស្រីបែបនេះ ។ នាងនឹងខិតខំសម្តែងឱ្យបានល្អ ព្រមទាំងខំជួយផ្សព្វផ្សាយអ្វីដែលជារបស់ខ្មែរ ឲ្យបងប្អូនបរទេសបានស្គាល់កាន់តែច្រើនបន្ថែមទៀត ៕
