តោះស្តាប់ការរៀបរាប់ពីការធ្វើ ណែមបាត់ដំបង ដែលល្បីឆ្ងាញ់តជំនន់
បាត់ដំបង៖ ដើម្បីបន្តរសជាតិណែមជាអត្តសញ្ញាណ របស់អ្នកខេត្តបាត់ដំបង បានបន្តល្បីសុសសាយតពីមួយជំនាន់ទៅមួយជំនាន់។
លោកស្រីផ្លឹង ស៊ីណាត ពលរដ្ឋរស់នៅភូមិព្រែកខ្ពប ឃុំព្រែកខ្ពប ស្រុកឯកភ្នំ ជាតំបន់ដើមកំណើតណែមបានអោយដឹងថា ការធ្វើណែមឆ្ងាញ់ត្រូវចម្រាញ់រកប្រភេទត្រីក្នុងស្រុកជាចាំបាច់សម្រាប់រក្សារសជាតិដើមដែលក្នុងនោះមានដូចជា ត្រីរ៉ស់ ត្រីឆ្តោ និងត្រីដៀប ជាណែមប្រភេទលេខ១ហើយឆ្ងាញ់របស់អ្នកខេត្តបាត់ដំបង។
លោកស្រីថា យើងត្រូវជ្រើសរើសត្រី១ណាក៏បាន ហើយត្រូវសំអាតដោយមានអនាម័យរួចទុកឲ្យស្រស់ទឹកសិន ទើបយកសាច់ត្រីទៅកិនឬបុកជាមួយខ្ទឹមស មើមរំដេងនិងម្ទេសឲ្យម៉ត់ចូលគ្នា។ បន្ទាប់មកទៀតត្រូវប្រើគ្រឿងដូចជាអំបិល.ប៊ីចេង.ស្កសរួចបុកឬកិនម្តងទៀត ដើម្បីឲ្យវាចូលរសជាតិបានល្អជាកាស្រេច។ តែកុំប្រើទឹកក្រូចឆ្មាដូចវិធីអ្នកធ្វើផ្សេងជៀសវាងជួរជ្រុល អត់មានរសជាតិឆ្ងាញ់ឆាប់ខូចគុណភាព។
លោកស្រីផ្លឹង ស៊ីណាត ដើម្បីធ្វើឲ្យសាច់ណែមបានស្វិតល្អ និងឆ្ងាញ់មានរសជាតិ មុនវិចខ្ចប់ក្រោយពីបានល្បាយសាច់ណែមហើយត្រូវយកវាវឹកជាមួយឧបករណ៍ដូចធ្វើម្សៅនំបញ្ចុកអីចឹង ដើម្បីឲ្យសាច់ណែមបានស្វិតល្អ។ ក្រោយពីអនុវត្តន៍ដូចខាងលើរួចរាល់ក្លាយជាសាច់ណែមហើយ ទើបយកសាច់ណែមមកច្រកថង់ឬខ្ចប់ស្លឹកចេក តាមតែចំណូលចិត្ត រួចថែមស្លឹកកន្តួត២ទៅ៣សន្លឹក និងផ្លែម្ទេស១ ហើយចងមាត់ថង់ឲ្យជាប់ កុំឲ្យចូលខ្យល់ ជៀសវាងខូចហើយរក្សាទុកក្នុងម្លប់ ដែលមានអនាម័យល្អរយះពេល២ថ្ងៃនោះយើងអាចបរិភោគបានហើយ។
ស្រ្តីរូបនេះបន្តទៀតថា បច្ចុប្បន្នមានផលលំបាកនៅត្រង់តម្រូវណែមរសជាតិដើម គឺត្រូវការប្រភេទត្រីក្នុងស្រុកជាចាំបាច់ដូចជា ត្រីរ៉ស់ ត្រីឆ្តោ និងត្រីដៀប ខណៈត្រីក្នុងស្រុកបច្ចុប្បន្នដែលត្រូវការផលិតធ្វើជាណែមរក្សារសជាតិដើម ក៏មានការខ្វះខាត។
លោកស្រីបន្ថែមថា បច្ចុប្បន្ននេះមានណែមលេខ២ ដែលប្រើសាច់ជ្រូកសុទ្ធឬស្បែកជ្រូកលាយសាច់ត្រី ហើយដោយឡែក១ទៀតសម្រាប់សាច់ត្រីសុទ្ធ ក៏មានលេខ២ដែរគឺដោយសារយកត្រីពីថៃដូចជាត្រីត្រសក់ ត្រីនួនចាន់ ត្រីព្រួល ត្រីប្រលួងនិងត្រីឆ្លាតជាដើម៕
