បំបែកកំណត់ត្រាបាត់ ! យប់ម៉ិញ មានអ្នកចូលមើលការ Live របស់ សួស វីសា និងស្វាមី រហូតដល់ទៅ 163,1K ឡើងផ្ទុះកក្រើក មិនធ្លាប់ជួប សូម្បីតែ សួស វីសា ក៏ភ្ញាក់ដែរ ដល់ថ្នាក់ ទំលាយអារម្មណ៍ ថា ”គ្មានពាក្យអ្វី ក្រៅពី…
កាលពីយប់ ថ្ងៃទី ១៨ ខែកញ្ញា ឆ្នាំ ២០២១ ទើបកន្លងផុតទៅប៉ុន្មានថ្ងៃនេះ សួស វីសា និងស្វាមី បាននាំគ្នាតុបតែងខ្លួន ឡើងប្លែក និងទាក់ទាញបំផុត ធ្វើការ live លក់ផលិតផល តាមអនឡាញ ដូចរាល់ដង ហើយមានអ្នកចូលមើលការ live នេះ រហូតដល់ទៅជាង 120 K ឯណោះ។
ស្រាប់តែយប់ម៉ិញនេះ នាថ្ងៃទី ២០ ខែកញ្ញា ឆ្នាំ ២០២១ សួស វីសា និងស្វាមី បានបំបែកកំណត់ត្រាលើកមុនទាល់តែបាន គឺមានអ្នកចូលមើលការ Live រហូតដល់ទៅ 163,1K View ដែលជាចំនួនអ្នកមើលច្រើនបំផុតមិនធ្លាប់មានសម្រាប់អ្នកទំាងពីរ បំបែកកំណត់ត្រា កាលពីថ្ងៃទី ១៨ ខែកញ្ញា ឆ្នាំ ២០២១ បាត់។
សួស វីសា រំភើបស្ទើរហោះ ដល់ថ្នាក់និយាយថា “យប់នេះ163,1K View នាងខ្ញុំ និងស្វាមី គ្មានពាក្យអ្វី ក្រៅពីអរគុណ ដល់លោកយាយ លោកតា អ៊ុំពូមីង ដែលស្រលាញ់ចូលចិត្តខ្ញុំទាំងពីរនាក់
ហេីយចង់បញ្ជាក់ថា ខ្ញុំទាំងពីរ ក៏គ្មានចេតនាអាក្រក់ ឬបំពុលសង្គមអ្វីដែរ ចេតនារបស់យេីងតែមួយគត់ គឺចង់អោយបងប្អូនបានសេីចសប្បាយ និងរំសាយអស់ទុក្ខកង្វល់តែប៉ុណ្ណោះ
ហេតុនេះ បេីមានកន្លែងណា ដែលមេីលទៅឆ្គាំឆ្គង មិនសមរម្យ ក៏សុំអធ្យាស្រយ័ ដល់ខ្ញុំទាំងពីរផងចុះ ជាចុងក្រោយសូមជូនពរ ដល់លោកតា លោកយាយ បងប្អូន អ៊ុំពូមីង ជួបតែសេចក្តីសុខ មានតែស្នាមញញឹម និងមានសុភមង្គល គ្រប់ក្រុមគ្រួសារ ដោយក្តីគោរព ពីយើងខ្ញុំទាំងពីរនាក់ Tommy&Visa”។
